Mamanyisha

▪ Mikanda ya kufila mu Tshisanga ne Lumungulu: Dimanya didi difikisha ku muoyo wa kashidi. Kabalashipu: Longa malu kudi Mulongeshi Munene. Muntu yeye muamba ne: kêna ne bana, nudi mua kumupesha mukanda wa Nsapi wa disanka anyi wa Dimanya. Nuenze muenu muonso bua kutuadija dilonga Bible ne bantu.

▪ Kutuadijila mu ngondo muinayi, nebabange kunutumina tumanyishilu tua mpungilu wa distrike wa 2005 mu mikanda yanutuminabu. Nunku, kabiena bia mushinga bua nuenu kulomba tumanyishilu etu to, bua kutulomba anu nuenu bikale ne kasumbu ka muakulu mukuabu kadi tshisumbu tshienu tshitangila. Kadi nudi mua kulomba tubombi tua kuelela tubeji tua tumanyishilu bua muntu yonso udi natu dijinga mu tshisumbu tshienu.

▪ Bidi ne mushinga bua biro kuikalabi ne adrese mijalame ya batangidi-baludiki bonso ne ba-sekretere ne nimero yabu ya telefone. Dîba dionso didi mutangidi-muludiki anyi sekretere ushintulula adrese wende, Komite wa Mudimu wa Tshisumbu udi ne bua kuuja formilere wa S-29 (Changement d’adresse du surveillant-président/​secrétaire) ne kumutua biala, pashishe kumutumina biro bia filiale pa lukasa. Nenufundamu kabidi dishintuluka dionso dia nimero yabu ya telefone.

▪ Sekretere wa tshisumbu udi ne bua kuikala ne bungi bukumbane bua formilere ya Dilomba dia mudimu wa bumpanda-njila bua pa tshibidilu (S-205) ne formilere wa Dilomba dia mudimu wa bumpanda-njila buambuluishi (S-205b). Nudi mua kulomba bintu ebi mu formilere wa Komande wa mikanda (S-14). Nudi mua kulama bungi bunudi mua kuenza nabu mudimu munkatshi mua tshidimu tshijima. Nudi ne bua kutangila bimpe formilere yonso wa dilomba dia bumpanda-njila bua pa tshibidilu bua kumona ni mmuuja bilenga kumpala kua kumutuma ku biro.