Tulongayi broshire wa Nushale anu batabale!
Bisumbu bionso bia pa buloba bujima nebilonge broshire wa Nushale anu batabale! kubangila mu lumingu lua dia 23 ngondo muitanu too ne ku lua dia 20 ngondo muisambombo 2005, mu Dilonga dia Mukanda dia Tshisumbu. Enza mudimu ne nkonko idi ilonda eyi paudi udilongolola ne paudi ulombola tshisangilu etshi. Mu tshikondo tshia dilonga bala malu adimu ne bala kabidi mvese mifila bu bikalaku dîba.
Lumingu lua dia 23 Lumungulu
▪ Dibeji 3-4: Mmalu kayi adi muaba eu adi alenga nsombelu webe? Ntshinyi tshidi tshikutuisha ne: malu aa ki nga pale pale kadi adi enzeka miaba yonso?
▪ Dibeji 5: Ntshinyi tshidi tshikutuisha ne: Nzambi udi uditatshisha bua bualu buetu? Ntshinyi tshidi mua kuleja ne: tudi tuditatshisha bua Nzambi ne ntshinyi tshidiye wenza?
▪ Dibeji 6-8: Ntshinyi tshidi Matayo 24:1-8, 14 wamba bua malu adi enzeka pa buloba? 2 Timote 3:1-5 udi uleja ne: tudi mu tshikondo kayi? Tudi mu matuku a ku nshikidilu wa tshinyi? Ntshinyi tshidi tshikuitabishisha ne: Bible n’Dîyi dia Nzambi menemene? Mbukalenge kayi butudi tuyisha?
▪ Dibeji dia 9-10: Bua tshinyi tudi ne bua kukonkonona bimpe mapangadika atudi tuangata dituku dionso ne malu adi ne mushinga mu nsombelu wetu? (Lomo 2:6; Gal. 6:7) Paudi utangila nkonko idi mu dibeji dia 10, mvese kayi iudi uvuluka idi ikulombola ku tshiudi mua kuenza?
Lumingu lua dia 30 Lumungulu
▪ Dibeji dia 11: Bua tshinyi tudi ne bua kukonkonona nkonko idi miela mu dibeji edi? (1 Kol. 10:12; Ef. 6:10-18) Mmunyi mudi mandamuna etu ku nkonko eyi mua kuleja ne: tudi tuangata mubelu wa Yezu udi mu Matayo 24:44 ne mushinga anyi katuena tuwangata ne mushinga?
▪ Dibeji dia 12-14: ‘Dîba dia dilumbuluisha’ didibu batele mu Buakabuluibua 14:6, 7 ntshinyi? ‘Kutshina Nzambi, kumutumbisha’ kudi kumvuija tshinyi? Babulona Munene ntshinyi ne ntshinyi tshiamufikila? Ntshinyi tshitudi basue kuenza mpindieu bua Babulona Munene? Ntshinyi tshivuabu badianjile kuamba bua dîba dia dilumbuluisha? Dibenga kumanya ‘dituku ne dîba’ dia dilumbuluisha dia Nzambi didi ne diambuluisha kayi kutudi? (Mat. 25:13)
▪ Dibeji dia 15: Tshilumbu tshia bumfumu butambe bunene ntshilumbu kayi ne mmunyi muditshi tshitutangila?
▪ Dibeji dia 16-19: ‘Diulu dipiadipia’ ne ‘buloba bupiabupia’ ntshinyi? (2 Pet. 3:13) Nnganyi udi mulaye malu aa? Diulu dipiadipia ne buloba bupiabupia nebilue ne malu kayi? Netupete petu masanka aa anyi?
Lumingu lua dia 6 Kabalashipu
▪ Dibeji dia 20-21: Ndidimuija kayi dia kunyema divua Yezu mupeshe bayidi bende ba mu bidimu lukama bia kumpala? (Luka 21:20, 21) Ntshikondo kayi tshivua tshimpe bua kunyema? Bua tshinyi bivua bikengela kunyema ne lukasa? (Mat. 24:16-18, 21) Bua tshinyi bantu ba bungi badi balengulula malu adibu babambila bua kubadimuija? Mmunyi muvua bantu binunu ne binunu ba mu ditunga dia Chine ne dia Philippines bateya ntema ku didimuija? Bua tshinyi bidi bikengela kuteya ntema ku bualu budi Bible udimuija bua nshikidilu wa ndongoluelu eu wa malu? Bu mudi bualu ebu bua lukasa, mmudimu kayi utudi nawu? (Nsu. 24:11, 12)
▪ Dibeji dia 22-23: Bua tshinyi bantu ba bungi ba mu ditunga dia Australie mu 1974 ne ba mu dia Colombie mu 1985, kabakangata ne mushinga didimuija divuabu babadimuije nadi bua bikumina ne ntshinyi tshiakenzeka? Udi wela meji ne: uvuaku mua kuikala mulonde didimuija edi anyi? Mbua tshinyi? Ntshinyi tshidi tshileja ne: tuvua mua kuikala bateya ntema ku didimuija dia mu matuku a Noa? Bua tshinyi bantu bavua basue kusomba mu Sodoma wa kale? Mmunyi mudi bualu bubi buakafikila tshimenga tshia Sodoma mua kutuambuluisha?
Lumingu lua dia 13 Kabalashipu
▪ Dibeji dia 24-27: Enza mudimu ne “Nkonko ya Dilonga” idi mu dibeji dia 27.
Lumingu lua dia 20 Kabalashipu
▪ Dibeji dia 28-31: Enza mudimu ne “Nkonko ya Dilonga” idi mu dibeji dia 31.
Dikonkonona dietu dia broshire eu nedituambuluishe bua “kushale anu batabale” ne kuleja ne: tudi badilongolole. Misangu yonso tulejayi mitalu mu mudimu wetu wa buambi udi muanjelu umanyisha wamba ne: ‘Nutshine Nzambi, numutumbishe, bualu bua dîba dia dilumbuluisha diende diakulua.’—Mat. 24:42, 44; Buak. 14:7.