Lama
Ngenyi ya mua kufila broshire mu buambi: Tshitupa tshia 1
Ngenyi mishilashilangane idi mu tshisakidila etshi idi mua kunuambuluisha bua kufila broshire mu buambi. Nudi mua kuyishintulula bilondeshile muaba unudi basombele. Nudi kabidi mua kuenza mudimu ne mishindu mikuabu idi miakanyine. Ngenyi ya mushindu wa kufila broshire idi ilonda eyi idi mu tshisakidila etshi mmilongolola bu tshilejilu patupu bua kuenza nayi mudimu.—Tangila Mudimu wetu wa Bukalenge wa Tshiongo 2005, dib. 8.
Lungenyi luonso lua mu dibeji edi ludi ne: (1) lukonko ludi luelesha muntu meji kumpala kua kutuadija kuyukila nende, (2) muaba udi malu anudi nuyukila asanganyibua mu broshire, ne (3) mvese muakanyine uudi ne bua kubala mu diyukidilangana dienu. Udi mua kuakula mu ebe mêyi bilondeshile diandamuna dia muntu unudi nuyukila nende.
Bukalenge bualua kuasa Mparadizu
“Bantu ba bungi mbaluangane bikole munkatshi mua bidimu bia bungi bua kujikija ntatu itudi nayi lelu eu. Udi umona ne: nekuikale Bukalenge kampanda bualua kujikija ntatu eyi anyi?”—dib. 3, tshik. 1; Mat. 6:9, 10.
Ikalayi ne muoyo wa kashidi ne disanka pa buloba!
“Bantu bavule badi bela meji ne: nebaye mu diulu bua kuikala ne muoyo wa kashidi, kadi udi umona munyi bua muoyo wa kashidi pa buloba?”—Tshimfuanyi tshidi pa tshizubu; Buak. 21:4.
Le nom divin qui demeure à jamais
“Ba bungi ba kutudi mbamanye disambila ditu dituadija ne: ‘Tatu wetu udi mu diulu, banemeke dîna diebe.’ (Mat. 6:9) Kadi udiku mumanye ne: tudi ne bua kumanya dîna edi bua kupeta lupandu anyi?”—dib. 28, tshik. 1; Lomo 10:13.
Ntshinyi tshidi tshitufikila patudi tufua?
“Padi bantu batudi banange bafua, ki mbibi bua kudiebeja muaba udibu baye ne kabidi ni kudi mushindu wa kumonangana nabu tshiakabidi to. Ukadiku muele meji bua nkonko ya buena eyi anyi?”—Nkonko idi panyima pa dibeji dia ndekelu; Yobo 14:14, 15.
Padi muntu uudi munange ufua
“Lelu tudi tufila kakanda aka bua kukankamija bantu ba bungi badi bafuishe banangibue babu ne kubapesha ditekemena. Ukadiku mudiebeja bua kumanya ditekemena didiku bua bafue anyi?”—dib. 27, tshik. 3; Yone 5:28, 29.
“Utuku udiebeja bua mushindu uudi mua kukolesha muntu kampanda ku muoyo udi mufuishe mulela wende udiye munange anyi?”—dib. 20, tshik. 1; Nsu. 17:17.
Tudi ne bua kuitabuja Busatu Bunsanto anyi?
“Bantu batu ne mmuenenu mishilangane bua Nzambi mulelela. Udi wela meji ne: tshiudi wewe witaba tshidi ne mushinga anyi?”—dib. 3, tshik. 3, 7-8; Yone 17:3.
Une vie pleinement satisfaisante: comment?
“Pa buloba bujima, bantu badi benda bakeba nsombelu muimpe. Udi wela meji ne: nebapete mushindu wa kuikala ne nsombelu muimpe eu bua kashidi anyi?”—dib. 29, tshik. 6; 2 Pet. 3:13.
Un livre pour tous
“Udiku wela meji ne: Bible udi ne mibelu idi ne mushinga bua matuku etu aa anyi?”—dib. 22, miaku mifunda mu maleta maladika idi muinshi mua tshiena-bualu; dib. 23, tshik. 3 tshia mu kazubu; Nsu. 25:11.
Ngenyi ya mua kufila broshire wa Nzambi utuku uditatshisha bua bualu buetu anyi?
Kunyima kua wewe mumane kutela bualu bubi kampanda budi buenzeke, udi mua kuamba ne:
“Ukadiku mudiebeje bua tshinyi Nzambi mmulekele bantu bakenga nunku bikalaye tshia bushuwa uditatshisha bua bualu buetu anyi? [Lekela muntu andamune.] Broshire eu udi wandamuna lukonko elu bimpe ne udi uleja tshikala Nzambi mua kuenza mu katupa kîpi emu. [Leja bimfuanyi bidi mu dibeji dia 27, ne bala Musambu wa 145:16 udi mu tshikoso tshia 22.] Mmunyi muajikija Nzambi makenga onso a bantu? Ndi musue bua tulua kukonkonona nebe lukonko elu musangu udi ulonda.” Fila broshire ne dilongolola bua kulua kumutangila.
Paudi upingana, udi mua kuamba ne:
“Musangu mushale tuvua babale mvese eu. [Bala anyi amba mêyi a Musambu 145:16.] Pashishe mvua mujule lukonko elu: Mmunyi muikale Nzambi mua kujikija makenga onso a bukua-bantu?” Mulomba bua angate broshire uuvua mumushile. Pashishe bulula mu dibeji dia 27-28, ne konkonona nende tshikoso tshia 23-25. Mulombe bua kulonga nende Bible, anyi dilongolola bua kulua kukonkonona nende tshikoso tshia 26-27 musangu udi ulonda.
**********
Mumanyishi utshidi nsonga udi yeye mua kuamba ne:
“Bansonga ba bungi ba bukole buanyi batu badikonka bua kumanya muikale nsombelu pa buloba apa kunyima kua bidimu 10 anyi 15. Udi umona pebe ne: nsombelu neikale munyi? [Lekela muntu andamune.] Malu atudi tumona lelu eu adi aleja ne: tudi mu matuku a ku nshikidilu. [Bala 2 Timote 3:1-3.] Broshire eu udi wandamuna nkonko idi ilonda eyi. [Bala nkonko idi pa tshizubu ne fila broshire.] Pangalukila, wewe ne ndambu wa minite nenkuleje bualu budi bukolesha ku muoyo bua mushindu walua masama ne bukulakaje kujika.” Dilongolola bua kumupinganyina.
Paudi upingana, udi mua kuamba ne:
“Patuvua bayukile nebe musangu mushale, mvua mukuambile bua mushindu walua masama ne bukulakaje kujika. Mbaleje bualu ebu muaba eu.” Mulomba bua angate broshire uuvua mumushile, balayi ne yukilayi nende malu adi mu broshire eu mu tshikoso 6-7 mu dibeji dia 23-24. Dilongolola bua kulua kukonkonona nende tshikoso tshia 8-9 musangu udi ulonda.
**********
Padi muntu mukole uyisha ne muana mukese, muntu mukole udi mua kuenza mudimu ne mbuelelu umue wa ku ibidi eyi ne kuamba ne:
“Bu wewe musue, muanetu ________ mmusue kukubadilaku mvese umue. [Muana udi ubala Musambu 37:29 ne ufila diumvuija dikese.] Broshire eu udi uleja mushindu wakumbaja Nzambi disua diende bua bantu ne bua buloba. [Leja bimfuanyi bidi mu dibeji dia 24-27.] Patualukila, nenkuambile bualu buimpe budibu balaye mu Bible pa bidi bitangila dibika dia bafue.” Mupesha broshire ne dilongolola bua kulua kumutangila.
Panudi nupingana, muntu mukole udi mua kuamba ne:
“Pamvua mulue musangu mushale tuvua babale Musambu wa 37:29, meme kukuambila tshidi Bible wamba pa bidi bitangila dibika dia bafue. Tangila tshidibu bambe muaba eu.” Mulomba bua angata broshire wende, nukonkonone nende tshikoso tshia 12-14 mu dibeji dia 24-25. Mulomba bua nuikale nulonga nende Bible anyi udilongolole bua kulua kukonkonona nende tshikoso tshia 15-16 musangu udi ulonda.