Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kab.

“Ba bungi ba kutudi nebenze mudimu matuku abu a bungi a muoyo. Bamue badi bamona mudimu wa nunku eu bu dibenesha; bakuabu pabu baumona bu mulawu. Kadi wewe, udi wela pebe meji kayi? [Lekela muntu andamune. Pashishe umubadile Muambi 2:24.] Tshibejibeji etshi tshidi tshileja mudi Bible mua kutuambuluisha bua kuikala ne mmuenenu muimpe pa bidi bitangila mudimu. Tshidi tshiakula kabidi bua mushindu wa kupita ne malu atu atonda bantu ku mudimu.”

Réveillez-vous! 22 Kab.

“Kuenaku umona pebe ne: buloba ebu buvua mua kuikala muaba muimpe wa kusombela bu muntu yonso muikale utumikila mêyi aa anyi? [Bala Efeso 4:28. Lekela muntu andamune.] Tshibejibeji etshi tshidi tshileja diakabi didi muntu udikebela padiye wiba bintu mu makazen anyi mu bisalu. Tshidi tshileja kabidi mushindu walua buivi ne malu makuabu mabi kujika kashidi.”

Tshibumba tshia Nsentedi 1 Kash.

“Tuetu bonso tukadiku bumvue nansha bakula bua bantu badi bamueneka bu balubuluke badi ne bubanji bua bungi, pabi bobu bikale badimona pabu bapangile tshintu tshikuabu mu nsombelu wabu. Udi mua kuamba ne: ntshintu kayi atshi? [Lekela muntu andamune. Pashishe ubale Matayo 5:3.] Tshibejibeji etshi tshidi tshiakula bua tshintu tshia mushinga mukole tshidi mua kutufikisha ku dikala ne ditalala dia mu mutshima, anyi kukumbaja majinga etu a mu nyuma.”

Réveillez-vous! 8 Kash.

“Bu mudibi bikole bua kupeta mudimu lelu eu, bulofua mbulue lutatu lunene kudi bantu. Tshibejibeji etshi tshidi tshiakula bua malu manene atanu adi mua kuambuluisha muntu bua kupeta mudimu. [Leja patoke tumitu tua bualu tukese tufunda mu maleta mafikisha bikole tudi mu tshiena-bualu tshia ne: “Cinq stratégies pour trouver un emploi” (Malu manene atanu adi ambuluisha bua kupeta mudimu).] Tshidi kabidi tshifila ngenyi mimpe ya tshia kuenza bua kubenga kujimija mudimu.” Bala Nsumuinu 22:29 udibu bafile mu dibeji dia 10.