Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kash.

“Munkatshi mua bidimu bia bungi, bantu mbapatule malongesha a bungi menemene adi atangila Nzambi. Udi wela meji ne: kudi mushindu wa kumanya adi malelela ne a dishima anyi? [Lekela muntu andamune.] Tshibejibeji etshi tshidi tshileja muaba uudi mua kupeta malongesha malelela adi asankisha Nzambi.” Bala 2 Timote 3:16.

Réveillez-vous! 22 Kash.

“Tutu tumvua bibi patutu tumona makenga atu bipupu bikebesha. [Fila tshilejilu tshimanyike muaba unudi.] Udi wela meji ne: bipupu bia nunku bidi bienda bivula anyi? [Lekela muntu andamune.] Tshibejibeji etshi tshidi tshiandamuna lukonko elu. Tshidi kabidi tshisamba bantu badi bajimije balela anyi balunda babu mu ntatu ya nunku.” Bala Yone 5:28, 29.

Tshibumba tshia Nsentedi 1 Tshim.

“Bantu ba bungi lelu batu badimona kabayi ne mushinga. Buebe wewe, bidi bikengela kuenza tshinyi bua kubambuluisha? [Lekela muntu andamune.] Tshibejibeji etshi tshidi tshileja mudi Bible mua kuambuluisha bantu ba nunku bua kupetabu disanka dilelela.” Koka ntema ya muntu ku mêyi a mu mvese mafunda mu maleta masendamija mu tshiena-bualu tshia “Bible udi mua kukuambuluisha bua kupeta disanka.”

Réveillez-vous! 8 Tshim.

“Bantu ba bungi batu ne buôwa dîba dionso. Udi wela meji ne: ntshinyi tshidi mua kuikala tshibatshinyisha? [Lekela muntu andamune.] Tshibejibeji etshi tshidi ne ngenyi mimpe idi mua kutuambuluisha bua kuepuka njiwu ya pa tshibidilu. Tshidi kabidi tshileja ne: Bible mmulaye buloba bupiabupia muikala bantu kabayi ne buôwa.” Bala Yeshaya 11:9.