Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija dia 29 Tshimungu 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 4 Kashipu too ne mu lua dia 29 Tshimungu 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Patudi tumanyisha bakuabu ditekemena dietu, mmunyi mutudi mua kuenza bua ‘[butshintshikidi] buetu bumanyibue kudi bantu bonso,’ ne mbua tshinyi bidi ne mushinga? (Filip. 4:5; Yak. 3:17) [be dib. 251 tshik. 1-3, kazubu]

2. Mmunyi mudi kumanya dîba dia kuikala ne butshintshikidi mua kutuambuluisha bua tuetu kumvuangana bimpe ne bakuabu? [be dib. 253 tshik. 1-2]

3. Bua tshinyi bidi ne mushinga bua kumanya mua kuela nkonko patudi tuambuluisha bakuabu bua kubeleshisha meji? [be dib. 253 tshik. 3-4]

4. Mmalu kayi atudi ne bua kukonkonona bua kufikisha bateleji ku ditaba bitudi tuamba? [be dib. 255 tshik. 1-4, kazubu; dib. 256 tshik. 1, kazubu]

5. Ntshinyi tshiudi kuyi mua kupua muoyo paudi wangata bijadiki bikuabu bia kua patupu bua kuleja mudi Bible muikale wamba malu a meji? [be dib. 256 tshik. 3-5, kazubu]

MUDIMU NO. 1

6. Ntshinyi tshidi tshileja patoke ne: Yezu uvuaku pa buloba apa? [w03 15/6 dib. 4-7]

7. Mmunyi mudi ‘mukana mua bantu bakane mupandisha bantu,’ ne mmunyi mudi nzubu wa bantu bakane ‘ujalama’? (Nsu. 12:6, 7) [w03 15/1 dib. 30 tshik. 1-3]

8. Bu mudibu kabayi bafunde mu Bible kalu ne kalu konso katudi ne bua kuenza ne katudi katuyi ne bua kuenza, mmunyi mutudi mua kufika ku ‘dijingulula mudi disua dia Mukalenge’ Yehowa? (Ef. 5:17) [w03 1/12 dib. 21 tshik. 3–dib. 22 tshik. 3]

9. Mmibelu kayi ya mu Bible idi mua kuambuluisha muntu bua kumanya mua kupita ne bupele anyi ne ntatu mikole ya makuta? [w03 1/8 dib. 5 tshik. 2-5]

10. Mmunyi mudi tshilejilu tshia Yehowa tshia kupeshangana bintu tshianana mua kutuambuluisha petu? (Mat. 10:8) [w03 1/8 dib. 20-22]

DIBALA DIA BIBLE DIA KU LUMINGU LUONSO

11. Ntshinyi tshivua makunji abidi avuabu babikila ne: Yakina ne Boaza avuabu benze ku tshibuelelu tshia ntempelo uvua Solomo muase umvuija? (1 Bak. 7:15-22)

12. Pavua Solomo mupeshe Hilama Mukalenge wa Tulo bimenga 20 bia mu buloba bua Galela, bualu ebu buvua bumvuangana ne Mikenji ya Mose anyi? (1 Bak. 9:10-13)

13. Ndilongesha kayi ditudi tupetela ku dibenga kutumikila dia “muntu wa Nzambi” kampanda? (1 Bak. 13:1-25)

14. Mmushindu kayi uvua Asa Mukalenge wa Yuda muleje dikima diende, ne ndilongesha kayi ditudi tupetela ku tshilejilu tshiende? (1 Bak. 15:11-13)

15. Mmunyi mudi bualu buakenzeka pankatshi pa mukalenge Ahaba ne Nabota buleja njiwu ya kuikala mubungame bikole kupita? (1 Bak. 21:1-16)