Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabit.

“Bantu bonso bakadiku anu bumvue bakula bua Yezu Kristo. Bamue badi bamba ne: uvua anu muntu bu mutudi emu. Bakuabu pabu badi bamutendelela bu Nzambi Wa-Bukole-Buonso. Kadi wewe udi wela meji ne: Yezu Kristo uvua nganyi? [Lekela muntu andamune.] Tshibejibeji etshi tshidi tshileja tshivua Yezu bushuwa, kuvuaye mufumine ne muaba udiye mpindieu.” Bala Yone 17:3.

Réveillez-vous! 22 Kabit.

“Bantu ba bungi kabena ne nzubu ya nsongo to. Udi wela meji ne: dimue dituku muntu ne muntu neapete nzubu muimpe anyi? [Lekela muntu andamune.] Réveillez-vous! eu udi wakula bua lutatu lua nzubu ludiku lelu. Udi kabidi uleja bua tshinyi tudi ne bua kuitaba malu adi Nzambi wamba aa.” Bala Yeshaya 65:21, 22.

Tshibumba tshia Nsentedi 1 Kasua.

Bala lukonko ludi pa tshizubu. Konka muntu ne: “Udi mumanye tshimanyinu etshi anyi? [Lekela muntu andamune. Pashishe bala Matayo 24:3.] Tshibejibeji etshi tshidi tshiumvuija malu atanu a tshimanyinu etshi, ne bua tshinyi bidi bikengela tuetu kuikala bamanye tshimanyinu etshi.” Leja kazubu kadi mu dibeji 6.

Réveillez-vous! 8 Kasua.

“Dinua dibi dia maluvu ditu dilela ntatu kayiyi kubala. Tshibejibeji etshi tshidi tshileja tshidi maluvu enzela mubidi. [Leja tshimfuanyi tshidi mu dibeji dia 7.] Biena-bualu ebi bidi biakula bua mushindu udi bantu mua kudipatula mu bupika bua maluvu ne tshidi bakuabu mua kuenza bua kubambuluisha.”