Mamanyisha

▪ Mikanda ya kufila mu Tshisua-munene: Muntu mutambe bunene wa katshia ne katshia. Tshiongo: Nudi mua kufila mukanda wonso mupatula kumpala kua 1991. Bisumbu bidi kabiyi ne mikanda ya nunku bidi mua kufila L’humanité à la recherche de Dieu. Luishi: Approchez-vous de Jéhovah. Luabanya: Netufile mukanda mupiamupia wa Bible utu ulongesha tshinyi menemene? Nuenze muenu muonso bua kutuadija kulonga Bible ne bantu.

▪ Nebakange bibambalu bia filiale wetu mu matuku a ngondo adi alonda aa: mu dia 3 too ne dia 4 Tshisua-munene 2005 ne mu dia 3 too ne dia 4 Kabalashipu 2006 bua kusukula nzubu ya ku Betele. Kabakuanyisha bua bantu kukumbulabu Betele mu matuku au nansha.

▪ Mu matuku makese emu, nebatumine tshisumbu tshionso tubeji tua dibikila natu bantu mu Tshivulukilu bua tshidimu tshia 2006 mu muakulu watshi. Bikala mu teritware wenu bantu bakula miakulu mikuabu, ne nujinga kupeta tubeji tua mu miakulu ayi, nutulombeshe pa lukasa mu formilere wa dilomba nende mikanda (S-14). Tubeji etu netuikale mu miakulu yamanyishabu mu mukanda wa “Avis à toutes les congrégations“ utubu batuma ku ngondo yonso. Nutulombeshe anu mu miakulu idibu bakula mu teritware wenu.

▪ Vulukayi ne: Tshivulukilu tshia mu tshidimu tshia 2007 netshienzeke mu Dimue dia 2 Tshisanga, kunyima kua dibuela dia dîba. Mbadianjile kumanyisha dituku edi kumpala kua dîba bua bisumbu bitu bisangila Nzubu wa Bukalenge umue bimone mua kudianjila kukeba miaba mikuabu idi bimue mua kuya kuenzela Tshivulukilu. Bakulu bumvuangane bimpe ne muena muaba au bua dituku adi kabenzedipu malu makuabu adi mua kupangisha bua Tshivulukilu kuenzekatshi mu ditalala ne mu bulongame to.

▪ Bu mudi Tshivulukilu ne mushinga wa bungi, kasumbu ka bakulu nekasungule mukulu utu ngamba-malu wa dilambu pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bikalaku mukulu mukumbane udi muikale muela manyi ne udi mua kuenza muyuki eu, nebamusungule yeye bua kuwenza.