Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshio.

“Bidimu bidi panshi ebi, bantu ba bungi mbatuadije kuakula bikole bua banjelu. Ukadiku mudiebeje bua kumanya ne: banjelu mbanganyi ne ntshinyi tshidibu mua kukuenzela anyi? [Lekela muntu andamune. Pashishe bala Musambu 34:7.] Tshibejibeji etshi tshidi tshileja tshidi Bible wamba bua malu avua banjelu benze kale, adibu benza ne enzabu mu matuku atshilualua.”

Réveillez-vous! Tshio.

“Mibelu mmitule mipuwe lelu’eu mu mikanda ya bungi. Udi wela meji ne: nyepi iudi mua kueyemena? [Lekela muntu andamune. Pashishe bala 2 Timote 3:16.] Réveillez-vous! eu udi uleja bua tshinyi tudi ne bua kuitaba ne: Bible ke udi ne mibelu ya meji.” Bulula tshiena-bualu tshidi mu dibeji dia 18.

Tshibumba tshia Nsentedi 1 Lui.

“Tuetu bonso tudi dijinga ne mfranga bua kuikala ne muoyo. Kadi kuenaku umona ne: bidi bikengela kudilama ku njiwu idibu batela muaba eu eyi anyi? [Bala 1 Timote 6:10, ne lekela muntu andamune.] Tshibumba tshia Nsentedi etshi tshidi tshituambuluisha bua kumanya amue mateyi a bubanji ne tshileja mutudi mua kuepuka.”

Réveillez-vous! Lui.

“Bantu ba bungi badi ne balela anyi balunda babu bakadi bakulakaje batu badiebeja mushindu udibu mua kubambuluisha bua kupitabu ne ntatu ya ku bukulakaje. Ki mmomu anyi? [Lekela muntu andamune.] Tshibejibeji etshi tshidi tshileja tshitudi mua kuenza bua kumona mua kuvuija matuku abu a ku bukulakaje aa mimpe. Tshidi tshileja kabidi muakumbana mulayi eu.” Bala Yobo 33:25.