Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshio.

“Buebe wewe, nkuepi kudi mulume ne mukajende mua kupetela mibelu mimpe? [Lekela muntu andamune.] Tangila muntu wakenza dibaka. [Bala Genese 2:22.] Tshibejibeji etshi tshidi kabidi tshileja mikenji idi Nzambi muelele mulume ne mukaji bua muaba wa mushinga udi nawu yonso wa kudibu mu dîku.”

Réveillez-vous! Tshio.

“Kuenaku pebe mumone ne: Bantu ba bungi badi badiamba mudibu bena Kristo kabena batumikila malongesha a Yezu anyi? [Lekela muntu andamune.] Tshilejilu, ba bungi kabena batumikila mêyi a Yezu aa to. [Bala Yone 13:35.] Tshiena-bualu etshi tshidi tshileja dishilangana didi pankatshi pa tshivua Yezu mulongeshe ne bienzedi bidi nabi bantu badi badiamba mudibu bena Kristo.” Leja tshiena-bualu tshidi mu dibeji dia 18.

Tshibumba tshia Nsentedi 1 Luab.

“Kuenaku umona ne: Nsombelu uvua mua kuikala muimpe mu tshitupa tshietu etshi bu muntu yonso utumikila mêyi aa anyi? [Bala Efeso 4:25. Pashishe lekela muntu andamune.] Bantu ba bungi badi bela meji ne: kudinga mu amue malu ki nkubi to. Tshibumba tshia Nsentedi etshi tshidi tshileja malu mimpe adi muntu upeta padiye wamba bulelela misangu yonso.”

Réveillez-vous! Luab.

“Mu amue matunga, bantu kabatshitu kabidi bangata kutendelela bu muvuabu bakuangata kale to. Udi wela meji ne: bitendelelu kabitshiena kabidi ne diambuluisha mu nsombelu wa bantu anyi? [Lekela muntu andamune.] Mêyi a mupostolo Paulo aa adi aleja malu adi mafikishe bamue ku diela bitendelelu nyima. [Bala Bienzedi 20:29, 30.] Mbaleje mu tshibejibeji etshi tshidi Bible wamba bua Buena-Kristo mu matuku atshilualua.”