TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 1/07 dib. 4
  • Ukadiku mudilongolole bua bipupu anyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Ukadiku mudilongolole bua bipupu anyi?
  • Mudimu wetu wa Bukalenge—2007
  • Bintu bia muomumue
  • Ukadi mudilongolole anyi?
    Mabeji a tshisangilu tshia Nsombelu ne mudimu wetu wa buena Kristo—2020
  • Ambuluisha bakuabu bua kunanukila mu ntatu
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2022
  • Mandamuna Ku Nkonko Yenu
    Mudimu wetu wa Bukalenge—1997
  • Ntshinyi tshidi Bible wamba bua bipupu?
    Mandamuna a nkonko ya mu Bible
Tangila bikuabu
Mudimu wetu wa Bukalenge—2007
km 1/07 dib. 4

Ukadiku mudilongolole bua bipupu anyi?

1. Bua tshinyi mbimpe kudianjila kudilongolola padi bipupu kabiyi bianji kutukuata?

1 Tshidimu tshionso etshi, bipupu bu mudi bia dikanka dia buloba, dipasalala dia mâyi, mvula mibi ne mpepele mikole bidi bikuata bantu binunu ne binunu, bikuata too ne bena Kristo netu. Bu mutu bipupu ebi bikuata bantu dîba divuabu kabayi babitekemene, mbifuanyike kutukuata petu, nanku mbimpe tudianjile kuikala badilongolole.​—Nsu. 21:5.

2. Bua tshinyi tudi ne bua kupesha bakulu adrese wetu mupiamupia ne nimero ya telefone?

2 Tshia kuenza kumpala kua tshipupu kuluatshi: Imue misangu bakokeshi batu badianjila kudimuija bantu ne: nekuikale tshipupu kampanda. Bobu badimuija bantu mushindu eu, mbimpe kulonda tshidibu bamba. (Nsu. 22:3) Dîba dia nanku, bakulu badi ne bua kumonangana ne bena mu tshisumbu bonso ne kubambuluisha bua kuenza malu adi akengela kuenza. Panyima pa tshipupu, bakulu badi ne bua kuenza muabu muonso bua kumanya tshidi tshienzekele bena mu tshisumbu ne kumanya tshidibu natshi dijinga. Bakulu bobu kabayi bamanye tshidi tshienzekele bana betu aba anyi muaba udibu, nebajimije dîba dia bungi mu dibakeba. Ke bualu kayi mbimpe mumanyishi yonso apeshe sekretere ne mutangidi wa kasumbu kabu ka dilonga dia mukanda adrese wende mupiamupia ne nimero ya telefone.

3. Mmunyi mutudi mua kukuatshishangana ne bakulu patudi basombele muaba udi tshipupu tshifuane kudikuma?

3 Bikala tshipupu tshifuane kudikuma muaba udi bena tshisumbu bonso basombele, bakulu badi ne bua kulomba bamanyishi mêna a balela anyi balunda babu badi kabayi basombele mu tshitupa atshi, kulomba ne nimero ya bantu abu ya telefone bua kubabikila padi njiwu imueneka. Dîba adi bakulu nebamone mua kumanya muaba udi muntu yonso mukatudile. Bakulu badi kabidi mua kudianjila kulongolola tshidi bena mu tshisumbu mua kuenza dîba didi njiwu imueneka bu mudi tumanga tudi muntu yonso ne bua kuikala natu, mushindu udi bantu mua kumbuka muaba udibu bua kuya muaba mukuabu ne mua kuambuluisha bantu badi ne ntatu ya pa buayi. Mbimpe bena mu tshisumbu bakuatshishangane ne bakulu padibu balongolola malu a mushindu’eu.​—Eb. 13:17.

4. Tshipupu tshiotshi tshiditute muaba utudi basombele, tshitudi ne bua kuenza ntshinyi?

4 Panyima pa tshipupu: Ntshinyi tshiudi mua kuenza bu tshipupu mua kuenzeka muaba uudi musombele? Tshia kumpala, kebela bena mu dîku diebe bidibu nabi nangananga dijinga. Paudi ne mushindu, wambuluishe bantu bakuabu badi tshipupu atshi tshikuate. Enza muebe muonso bua kumonangana anyi kubikila mutangidi wa dilonga dia mukanda anyi mukulu mukuabu pa lukasa. Nansha wewe kuyi mupete njiwu anyi kuyi ukengela tshintu, udi anu ne bua kumanyisha bakulu. Biwikala ukengela tshintu, umanye ne: bana benu badi benza muabu muonso bua kukuambuluisha. (1 Kol. 13:4, 7) Kupu muoyo ne: Yehowa mmumanye lutatu luudi nalu to, nunku umueyemene bua akuambuluishe. (Mus. 37:39; 62:8) Keba mishindu ya kukankamija bakuabu ne mêyi a mu Bible ne kubasamba. (2 Kol. 1:3, 4) Tuadijilula midimu yebe ya buntemu pa lukasa.​—Mat. 6:33.

5. Nansha mutu bantu balubakana patu bipupu bikeba kubakuata, tuetu bena Kristo tutu tubimona mushindu kayi?

5 Nansha mutu bantu balubakana bikole patu bipupu biamba kubakuata, tuetu tudi mua kushala anu ne ditabuja ne: malu nealongoloke kumpala eku. Mu katupa kîpi emu, katuakumvua bakula kabidi bua bipupu to. (Buak. 21:4) Kadi bua mpindieu, tuenzayi malu adi akengela bua kudilongolola bua bikondo bia ntatu ne makenga a nunku eku bikale ne tshisumi mu mudimu wa kuamba kua lumu luimpe.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu