Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshio.

“Pa kumona bungi bua mashi onso adi bantu bele panshi, udi wela meji ne: bubi mbukokeshe buimpe anyi? [Lekela muntu andamune.] Mona tshidi Bible wamba bua Nzambi. [Bala Musambu 83:18b.] Bu mudi Nzambi muikale Mutambe Bunene udi ku mutu kua buloba bujima, udi wela meji ne: bubi budiku mua kutshimuna anyi? [Lekela muntu andamune.] Nimero eu wa Tshibumba tshia Nsentedi udi ufila diandamuna dimpe dia lukonko alu.

Réveillez-vous! 22 janv.

“Nsombelu wetu wa ku matshi talalaa udi mu njiwu matuku aa kupita ne muvuabi kale. Bualu bukuabu budi butshingisha bantu budi buenda buvula anu kuvula ndibila ne mikanda ya bu muntu ya muntu mukuabu. Ukadiku mumvue bualu ebu anyi? [Lekela muntu andamune.] Bible udi ulaya ne: dimue dituku nsombelu wetu wa ku matshi talalaa kakuikala kabidi mu njiwu pa buloba apa to. [Bala Yeshaya 11:9.] Tshibejibeji etshi tshidi tshiumvuija muikala malu aa mua kukumbana.”

Tshibumba tshia Nsentedi 1 Lui.

“Bantu ba bungi lelu’eu badi bumvua bitonda bikole bua dipangika dia mudimu, eku bakuabu bikale bamona kasuba ku mudimu udibu benza. Udiku wela meji ne: kudi mushindu wa kudiumvua ne disanka ku mudimu ne bakubibue anyi? [Lekela muntu andamune. Pashishe ubale Yeshaya 65:21-23.] Nimero eu wa Tshibumba tshia Nsentedi udi wakula bua tshikondo tshikala bantu bonso ne mudimu usankisha.”

Réveillez-vous! 8 fév.

“Nimero eu wa Réveillez-vous! udi wakula bua bualu bukuate buôwa budi buenzeka mu matuku etu aa: dienda bundumba dia bana. Dinyanga bana didi dinyingalaja edi mbualu budi Bible ulaya ne: nebujike mu matuku adi kumpala eku. [Bala Nsumuinu 2:21, 22.] Tshibejibeji etshi tshidi tshileja tshidi tshisaka bantu ku dinyanga bana nunku ne mushindu wikalatshi mua kujika.”