Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Tshio.

“Bantu ba bungi batu batendelela Nzambi ne mpingu mu bitendelelu biabu. Udi wela meji ne: bintu abi bidi mua kupandisha bantu anyi? [Lekela muntu andamune.] Tangila tshikala Nzambi mulelela ne bua kutuenzela. [Bala Buakabuluibua 21:3, 4.] Anu Nzambi mulelela ke udi mua kuenza malu au. Tshibejibeji etshi tshidi tshileja tshidi Nzambi au, tshileja kabidi mudibi mua kutuambuluisha tuetu bikale tumueyemena.”

Réveillez-vous! 22 janv.

“Tudi mua kumona bu bualu budi kabuyi ne mushinga bua mutudi ne nzubu. Kadi kudi bena tshimuangi miliyo mivule pa buloba bujima badi benda batambakana kabayi ne wa kubambuluisha, kabayi ne pa kutudila. Tshibejibeji etshi tshia Réveillez-vous! tshidi tshileja bua tshinyi lutatu elu ludiku ne tshimanyisha muanda udi Bible mulaye wa se: dimue dituku muntu yonso neikale ne muaba wende nkayende wa kusomba.”

Tshibumba tshia Nsentedi 1 Lui.

“Bantu badi badilakana bikole bua mudi kapepe ne miaba idi bantu bienda binyanguka. Kadi ukadiku muele meji bua dinyanguka dia lungenyi anyi? [Lekela muntu andamune.] Bible udi uleja mudibi bikengela bua kuikala bakezuke ku mubidi wetu ne mu nyuma kabidi. [Bala 2 Kolinto 7:1.] Ndi mujadike se: newanyishe dimanyisha edi, neumone kabidi ne: nedikuambuluishe.”

Réveillez-vous! 8 fév.

“Kakuyi mpata, ndi mumanye ne: wewe pebe ukadi mumone se: nansha mudi pa tshibidilu bantu babuela mu mabaka ne disanka, panyima pa matuku a bungi atu alua kufua. Ndi musue kukushila tshibejibeji tshia Réveillez-vous! etshi, mudibu baleje tshidi Bible wamba ne baleja kabidi tshidi muntu mua kuenza bua dibaka diende kunengadi kashidi ne kuikaladi anu dia disanka.”