Ndongamu wa Bisangilu bia Mudimu

Lumingu lua dia 13 Luishi

Musambu 121

Min. 10: Mamanyisha a mu tshisumbu. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 15 Luishi ne Réveillez-vous! wa Luishi. Mu dimue dia ku manaya aa, baleje mushindu wa kuyisha muaba udi bantu ba bungi.

Min. 10: Udi wenda diatshimue ne bulongolodi bua Yehowa anyi? Muyuki muangatshila mu mukanda wa Bulongolodi budi buenza disua dia Yehowa, dibeji dia 7-10.

Min. 25: “Tutumayi ntema ya bantu ku ‘munya wa ba pa buloba.’”a Wenzabu kudi mutangidi wa mudimu. Tela mêna a bampanda-njila bambuluishi. Leja mushindu unudi balongolole bisangilu bia mudimu wa buambi. Akula pa programe wa mpanda-njila muambuluishi udi mu dibeji 5 dia tshisakidila tshia Mudimu wetu wa Bukalenge wa Luishi 2005.

Musambu 224 ne disambila dia nkomenu.

Lumingu lua dia 20 Luishi

Musambu 89

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 15: “Keba mishindu ya kuyisha.”b Lomba mumanyishi udi ne ntatu kampanda bua aleje mudiye ufika ku dipeta mushindu wa kuyisha.

Min. 20: “Dikuatshisha ditudi mua kupeta ne lukasa.”c Wenzabu kudi mukulu. Sakidila mêyi makese adi mu mandamuna ku nkonko yenu mu Mudimu wetu wa Bukalenge wa Kasuabanga 1998 ne wa Kasuabanga 2000.

Musambu 1 ne disambila dia nkomenu.

Lumingu lua dia 27 Luishi

Musambu 20

Min. 10: Mamanyisha a mu tshisumbu. Bala luapolo lua konte ne mukanda wa kudi biro bua kunuela tuasakidila. Vuluija bamanyishi bua kufila luapolo lua mudimu lua Luishi. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 1 Luabanya anyi Réveillez-vous! wa Luabanya.

Min. 10: Majinga a tshisumbu.

Min. 25: Mushindu wa kufila mukanda wa Bible ulongesha. Mu ngondo muisatu netufile mukanda mupiamupia. Angata ngenyi idi mu dibeji 3, 4-5, 6 dia tshisakidila tshia Mudimu wetu wa Bukalenge wa Tshiongo 2006, ukonkonone ne wenzeje manaya bua imue mbuelelu idi miakanyine teritware wenu. Lomba bateleji bua balonde malu mimpe adibu bapete mu dienza mudimu ne mukanda mupiamupia eu, ne nangananga malonga a Bible adibu batuadije.

Musambu 148 ne disambila dia nkomenu.

Lumingu lua dia 6 Luabanya

Musambu 51

Min. 10: Mamanyisha a mu tshisumbu. Bu mutudi ne mushindu wa kuambula trakte ya bungi ne bu mudiyi ne bimfuanyi bilenga bia bungi, mbimpe kuyisha nayi patudi ku nzubu ne ku nzubu, mu miaba idi bantu ba bungi ne padi mpunga umueneka. Leja mushindu wa kutuadija kuyukila ne bantu ne trakte mupiamupia wa Makenga onso akadi pa kujika! Tela umue wa ku mvese idi mu dibeji 2 dia trakte eu.

Min. 15: “Tutabalelayi bakuabu: Pa kudianjila kudilongolola.”d Sakidila dinaya dia tshilejilu mudi bamanyishi babidi badilongolola bua kutuadija kulonga ne muntu ne mukanda mupiamupia wa Bible ulongesha. Badi bangata umue wa ku mishindu idi mu tshisakidila tshia Mudimu wetu wa Bukalenge wa Tshiongo 2006 ne bayukila mua kuamba malu mu abu mêyi bilondeshile teritware wabu. Dinaya didi dijika padibu bakeba kudienza ne dîyi dikole.

Min. 20: “Longesha ne bindidimbi.”e Paudi wakula bua bande yonso, tela tshiena-bualu tshiende, leja tshizubu tshiende ne bala mêyi adibu bafundepu adi umvuija tshidi munda muende. Lomba bateleji bua balonde malu adibu bapete mu dienza mudimu ne bande ya video mu buambi.​—Tangila Annuaire wa 1997, dib. 54 ne wa 1995, dib. 50-51.

Musambu 68 ne disambila dia nkomenu.

[Mêyi adi kuinshi]