Ndongamu wa Bisangilu bia Mudimu

Lumingu lua dia 8 Lumungulu

Musambu 42

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Angata ngenyi idi mu dibeji dia 8 anyi mikuabu idi miakanyine teritware wenu bua kuleja mushindu wa kufila Tshibumba tshia Nsentedi tshia dia 15 Lumungulu ne Réveillez-vous! wa Lumungulu. Mu dimue dia ku manaya aa, mumanyishi afile Tshibumba tshia Nsentedi tshia dia 1 Lumungulu ne Réveillez-vous! wa Lumungulu kudi muntu utuye ushila bibejibeji kadi uvua kayi mupete Tshibumba tshia Nsentedi tshia dia 1 Lumungulu to. Padiye ufila bibejibeji bisatu ebi, akule anu malu adi mu tshimue. Mumanyishi udi mua kuya kutangila muntu utuye ushila bibejibeji pa tshibidilu musangu umue anyi ibidi ku ngondo yonso.

Min. 20: “Tungunuka ne kundonda.”a Ela mumanyishi udi udienzeja bua kuikala ne nsombelu mushilangane ne wa bena kantu ku bianza bua kumona mua kuyisha mudimu wa Nzambi kumpala ne kuambuluisha bakuabu nkonko. Umuambile aleje nangananga masanka adiye mupete.

Min. 15: Malu mamona kudi bena mu tshisumbu. Lomba bateleji bua baleje masanka adibu bapete pavuabu badienzeje bua kuyisha bikole mu ngondo muisatu ne muinayi. Baleje nangananga muvuabu batuadije kulonga Bible ne bantu ne bababikile mu Tshivulukilu. Badi mua kuenza mu dinaya bualu bumue anyi abidi bua kuleja muvuawu menzeke.

Musambu 91 ne disambila dia nkomenu.

Lumingu lua dia 15 Lumungulu

Musambu 9

Min. 10: Mamanyisha a mu tshisumbu. Lomba muntu yonso bua kutangila bande anyi ditadi dia Noé: il marchait avec Dieu bua kulongolola Tshisangilu tshia Mudimu tshia lumingu lua dia 29 Lumungulu.

Min. 10: Tuenzayi mudimu mu buobumue ku bulombodi bua Mfumuetu Kristo. Muyuki mushindamene pa malu adi muinshi mua ka tshiena-bualu ka: “Tshidi kuitaba mudimu udi nawu Kristo kumvuija” kadi mu dibeji dia 13-15 dia mukanda wa Bulongolodi budi buenza disua dia Yehowa.

Min. 25: “Dibaka dia Nzubu ya Bukalenge mbualu bua mushinga mu mudimu wetu wa tshijila.”b Ela bamue bana betu bavuaku benze mudimu wa dibaka anyi diakaja dia Nzubu ya Bukalenge anyi nzubu ivuabu basumbe bua kuyivuija muaba wa kutendelela nkonko.

Musambu 133 ne disambila dia nkomenu.

Lumingu lua dia 22 Lumungulu

Musambu 86

Min. 12: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Angata ngenyi idi mu dibeji dia 4 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 1 Kabalashipu ne Réveillez-vous! wa Kabalashipu. Manaya aa baenze kudi bena mu dîku badi bambulula mushindu muimpe wa kufila bibejibeji.

Min. 15: “Tutabalelayi bakuabu: Pa kuikala bena malu mimpe ne kuikala ne kanemu.”c

Min. 18: Tshimuenekelu tshimpe. Diyukidilangana ne bateleji dishindamene pa mukanda wa Kalasa ka mudimu, dibeji dia 131-133. Konkononayi malu atanu adimu adi aleja mushindu utudi mua kudilengeja mubidi ne utudi mua kuvuala. Leja ne: tudi kabidi mua kuangata malu aa ne ka-budimu bua kuambuluisha nawu balongi ba Bible bua bamanye mushindu udibu ne bua kuvuala padibu balua mu bisangilu.

Musambu 215 ne disambila dia nkomenu.

Lumingu lua dia 29 Lumungulu

Musambu 42

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu bua ngondo muitanu.

Min. 10: Tufilayi mukanda wa Mulongeshi mu ngondo muisambombo. Angata ngenyi idi mu dibeji 4 dia Mudimu wetu wa Bukalenge wa Tshiongo 2005 anyi mikuabu idi miakanyine teritware wenu bua kuleja mua kufila mukanda wa Longa malu kudi Mulongeshi Munene. Pikalaku dîba, lomba bateleji bua baleje malu mimpe adibu bapete pavuabu bayisha ne mukanda eu anyi pavuabu baulonga mu dîku diabu.

Min. 25: “Muntu udi bakulumpe ne bana mua kuidikija.” Mbuelelu webe kafiki ku munite mujima to, pita diakamue ku diyukila ne bateleji ne nkonko idi itangila bande anyi ditadi dia Noa (nkonko eyi idi mu tshikoso tshibidi). Pashishe ebeja bena mu mêku bua baleje mudi tshitupa tshia nkonko tshidi mu filme wa ditadi dia video edi tshibambuluishe. Bua kujikija, yukilayi pa nkonko ne mvese idibu bafile mu tshikoso tshisatu. Nuenu kanuyi ne ditadi edi, nudi mua kuangata mvese idibu bafile ayi bua kuandamuna nkonko.

Musambu 9 ne disambila dia nkomenu.

Lumingu lua dia 5 Kabalashipu

Musambu 176

Min. 10: Mamanyisha a mu tshisumbu.

Min. 15: Majinga a tshisumbu.

Min. 20: Mushindu utudi mua kuyukila bimpe ne bantu patudi tubapinganyina. Diyukidilangana ne bateleji dishindamene pa kazubu kadi mu dibeji dia 16 dia Tshibumba tshia Nsentedi tshia dia 15 Kasuabanga 2003. Konkonona malu muanda mutekete adibu baleje ku bumue ku bumue, ne lomba bateleji bua baleje mushindu udibu mua kutumikila malu aa mu teritware wenu. Lomba bamanyishi bonso bua kuenza muabu muonso bua kutuadija kulonga Bible ne bantu bonso badibu bapinganyina badi bangata mikanda yetu anyi baleja dijinga dia kumanya makuabu malu. Angata lumue lua ku ngenyi idi mu dibeji 6 dia Mudimu wetu wa Bukalenge wa Tshiongo 2006 bua kuleja mushindu wa kulomba muntu bua kulonga nende Bible patudi tumupinganyina.

Musambu 57 ne disambila dia nkomenu.

[Mêyi adi kuinshi]