Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 28 Tshimungu 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 3 Kashipu too ne mu lua dia 28 Tshimungu 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmunyi mudi kutangilangana ne bateleji kutuambuluisha bua kuikala balongeshi bimpe? (Mat. 19:25, 26; Bien 14:9, 10) [be dib. 124 tshik. 3–dib. 125 tshik. 3]

2. Bua tshinyi kuakula bu pa tshibidilu kudi ne mushinga? Ntshinyi tshidi mua kutuambuluisha bua kuakula nunku patudi mu buambi? [be dib. 128 tshik. 1-5, kazubu]

3. Bua tshinyi tudi ne bua kudienzeja bua kuikala ne mankenda? [be dib. 131 tshik. 1-3]

4. Mmunyi mudi ‘bupuekele ne meji makane’ mua kumuenekela ku mvuadilu ne ndengejilu wetu wa mubidi ne nsuki? (1 Tim. 2:9) [be dib. 131 tshik. 4–dib. 132 tshik. 1]

5. Mmêyi kayi a mu Bible atudi mua kutumikila bua ndengejilu wetu wa mubidi kikadi wa bantu badi banange malu a pa buloba? [be dib. 133 tshik. 2-3]

MUDIMU NO. 1

6. Ntshintu kayi tshitambe bunene tshitudi tupeta patudi tubala? [be dib. 21 tshik. 3]

7. Tshidi tshileja ne: muntu udi ne meji anyi kêna nawu ntshinyi? (Nsu. 14:2) [w04 15/11 dib. 26 tshik. 5]

8. Bua tshinyi ‘dipeta dia lungenyi didi bualu butekete kudi mujinguludi wa mianda’? (Nsu. 14:6) [w04 15/11 dib. 28 tshik. 4-5]

9. Kulonga ntshinyi? [be dib. 27 tshik. 3]

10. Mmushindu kayi udi dielangana meji bua bintu bidi Yehowa mufuke dituambuluisha? [w04 15/11 dib. 8 tshik. 4]

DIBALA DIA BIBLE DIA KU LUMINGU LUONSO

11. Mmunyi muvua Yehowa ‘muambe dîyi’ ku kale diakafikisha tshisumbu tshinene tshia ‘bakaji ku diamba lumu luimpe’? Mmunyi mudi bualu ebu buenzeka lelu’eu? (Mus. 68:11)

12. Ntshinyi tshiakamba kufikisha Asafa ku dienza bualu bubi? Mmunyi muakashintululaye lungenyi luende? (Mus. 73:2, 3, 17)

13. Bua tshinyi bavua babikila mana avua Nzambi mupeshe bena Isalele ne: “blé wa mu diulu,” kabidi ne: “bidia bia bantu bakole”? (Mus. 78:24, 25)

14. “Tshisokomenu tshia Nzambi Mutambe Bunene” ntshinyi? Mmunyi mutudi mua ‘kusombamu’? (Mus. 91:1, 2)

15. Mmu ngumvuilu kayi mudi lufu lua batendeledi ba Yehowa luikale ne mushinga mukole ku mêsu kuende? (Mus. 116:15)