Ndongamu wa Bisangilu bia Mudimu

Lumingu lua dia 11 Kabitende

Musambu 20

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ambila bantu bua kutangila bande wa video wa Les jeunes s’interrogent. . . Comment me faire de vrais amis? bua kudilongololabu bua kuandamuna nkonko yelabu mu Tshisangilu tshia Mudimu tshia lumingu lua dia 25 ngondo wa 9. Angata ngenyi idi mu dibeji dia 8 anyi mikuabu idi miakanyine teritware wenu wenzeje nayi manaya a tshilejilu bua kuleja mua kufila Tshibumba tshia Nsentedi tshia dia 15 Kabitende ne Réveillez-vous! wa Kabitende. Mu dimue dia ku manaya aa, baleje mushindu wa kuandamuna muntu udi mua kuamba ne: “Ndi ne tshianyi tshitendelelu.”​—Tangila mukanda wa Comment raisonner, dib. 18-19 anyi mu kakanda ka Mua kutuadija ne kutungunuka ne mayuki a pa Bible, dibeji 10, 11.

Min. 20: Enza bua Tshisangilu tshia Mudimu ne Kalasa ka Mudimu wa Nzambi bikuambuluishe. Muyuki ne diyukidilangana ne bateleji bilondeshile malu a mu mukanda wa Bulongolodi budi buenza disua dia Yehowa, mu ka tshiena-bualu kadi mu dibeji dia 65 too ne ka mu dibeji dia 69.

Min. 15: Mukanda wa kudi Biro bietu. Muyuki ne diyukidilangana ne bateleji bilondeshile mukanda udi mu dibeji dia kumpala dia Mudimu wetu wa Bukalenge eu. Sakidila malu makuabu adi mu kazubu ka Mandamuna ku nkonko yenu kadi mu Mudimu wetu wa Bukalenge wa Tshiongo 2005. Ela muntu yonso wa mu tshisumbu tshienu nkonko ni uvua mufile anyi mupeteku diambuluisha dîba dia bipupu bivua bienzeke matuku mashale aa.

Musambu 126 ne disambila dia ndekelu.

Lumingu lua dia 18 Kabitende

Musambu 213

Min.  5: Mamanyisha a mu tshisumbu.

Min. 15: Ntshinyi tshituvua benze tshidimu tshishale? Mutangidi wa mudimu akonkonona malu anuvua benze tshidimu tshia mudimu tshishale utamba kuimanyisha pa malu mimpe anuvua benze mu buambi. Ela bantu kalumbandi. Tela bualu bumue anyi abidi adi akengela kutabalela tshidimu tshidi kumpala. Akula bua mudimu wa bampanda-njila udibu benze ne bela kalumbandi bua mudimu wabu muimpe eu. Leja bipeta bimpe binudi bapete panuvua bambuluishe bantu bakavua kabatshiyi kabidi bayisha to.

Min. 25: “Mudimu munene wenzeka mu dia 16 ngondo wa 10 too ne mu dia 12 ngondo wa 11.” Muyuki wenzabu ne disanka dionso kudi mukulu. Panyima pa yeye mumane kubala dimanyisha didi mu mukanda uvuabu batumine kasumbu ka bakulu wa mu dia matuku 6 a ngondo muisambombo 2006, babanyine muntu yonso wende trakte wa Ngumu ya Bukalenge No. 37. Pashishe enzayi tshiena-bualu etshi mu nkonko ne mandamuna. Leja munudi balongolole malu bua kumona mua kuabanya trakte eyi mu teritware wenu mujima. Lomba bamanyishi bonso bua kuenzabu mudimu eu ne muoyo wabu mujima. Enzeja dinaya dia tshilejilu dîpi dia mua kufila trakte eu.

Musambu 50 ne disambila dia ndekelu.

Lumingu lua dia 25 Kabitende

Musambu 94

Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Vuluija bamanyishi bua kufila luapolo lua mudimu bua ngondo wa 9. Angata ngenyi idi mu dibeji dia 8 anyi mikuabu idi miakanyine teritware wenu bua wenzeje manaya a tshilejilu a mua kufila Tshibumba tshia Nsentedi tshia dia 1 Kasuamansense ne Réveillez-vous! wa Kasuamansense patudi tuyisha mu misesu.

Min. 25: “Bande wa video udi ne malu atudi ne bua kuelela meji bikole.”a Panuikala mu tshikoso tshia 1, lomba bena mu tshisumbu bua baleje mudibu bela meji bua bande wa video wa Les jeunes s’interrogent. . . Comment me faire de vrais amis? Pashishe tuadijayi diakamue kuandamuna nkonko yonso idi mu tshikoso 2-7. Binuikala kanuyi ne bande eu mu tshisumbu tshienu, mukulu umue neenze muyuki wa minite 12 bilondeshile malu adi mu Réveillez-vous! wa mu dia 8 ngondo wa dikumi ne muibidi 2004, dibeji dia 9 too ne dia 10 ne dia 12. Pashishe nuyukidilangana malu adi mu tshikoso tshia 1 too ne 5 mu Mudimu wetu wa Bukalenge anu bu mudibu baleje kuulu eku ne ujikije ne Nsumuinu 13:20; Yelemiya 17:9 ne Musambu 71:17. Bua kujikija, ambila badi mu mêku bua babange kutangila ne bena dîku dijima ditadi (dia DVD) dia Les jeunes s’interrogent. . . Que vais-je faire de ma vie?

Min. 10: Malu mamona kudi bena mu tshisumbu. Lomba bateleji bua kulondabu malu mimpe avuabu bapete pavuabu babanya Réveillez-vous! wa pa buende, anyi a pavuabu batuadije kulonga Bible ne bantu ne mukanda wa Bible ulongesha anu musangu wa kumpala uvuabu bapetangane nabu. Nudi mua kuenza dinaya dimue anyi abidi bua kuleja malu anu muvuawu menzeke.

Musambu 183 ne disambila dia ndekelu.

Lumingu lua 2 Kasuamansense

Musambu 36

Min. 10: Mamanyisha a mu tshisumbu. Umvuija malu a mu Mandamuna ku nkonko yenu.

Min. 15: Majinga a tshisumbu.

Min. 20: “Tuyishayi ku nzubu ne ku nzubu.”b Kuoku kuikale dîba, lomba bateleji bua kumvuija mvese idibu bafile kadi kabayi batele mêyi ayi.

Musambu 127 ne disambila dia ndekelu.

[Mêyi adi kuinshi]