Ndongamu wa Bisangilu bia Mudimu

Lumingu lua dia 13 Kasuabanga

Musambu 152

Min. 10: Mamanyisha a mu tshisumbu. Enzeja manaya a tshilejilu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 15 Kasuabanga ne Réveillez-vous! wa Kasuabanga. Mu dimue dia ku manaya aa, baleje mushindu wa kuandamuna muntu udi musue kukosesha muyuki wamba ne: “Nkadi mumanye mudimu wenu bimpe.”​—Tangila kakanda ka Mua kutuadija ne kutungunuka ne mayuki, dib. 12 anyi mukanda wa Comment raisonner, dib. 20.

Min. 20: Bamanyishi ba lumu luimpe. Muyuki ne diyukidilangana ne bateleji bilondeshile mukanda wa Bulongolodi budi buenza disua dia Yehowa, dibeji dia 77 too ne ku katshiena-bualu kadi mu dibeji dia 83.

Min. 15: “Bikale ne dikima, kadi bikale bena ditalala.”a Kumbaja kabidi malu adi mu mukanda wa Kalasa ka mudimu, dibeji dia 252-253, muinshi mua katshiena-bualu ka “Tshikondo tshia kulekela.”

Musambu 39 ne disambila dia ndekelu.

Lumingu lua dia 20 Kasuabanga

Musambu 132

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 15: Majinga a tshisumbu.

Min. 20: Tufilayi mukanda wa Muntu mutambe bunene mu Tshisua-munene. Diyukidilangana ne bateleji. Lomba bateleji bua baleje malu adibu bananga mu mukanda wa Muntu mutambe bunene ne baleje kabidi malu mimpe avuabu bamone pavuabu baufile mu buambi. Umvuija mishindu ya mua kufila mukanda eu idibu baleje mu tshisakidila tshia Mudimu wetu wa Bukalenge wa Tshiongo 2005. Nunku, bua kuleja mua kufila mukanda eu, wenzeje dinaya dia tshilejilu bilondeshile umue wa ku mishindu ya mua kuufila idibu baleje mu Mudimu wetu wa Bukalenge au anyi mikuabu idi miakanyine teritware wenu.

Musambu 203 ne disambila dia ndekelu.

Lumingu lua dia 27 Kasuabanga

Musambu 111

Min.  5: Mamanyisha a mu tshisumbu. Bala luapolo lua konte ne mukanda udibu banutumine kudi biro bua kunuela tuasakidila.

Min. 10: Badi bibaka mu buobumue bua kutumbisha Nzambi. Muyuki wenza mukulu bilondeshile Tshibumba tshia Nsentedi tshia dituku dia 1 Kasuabanga 2006, dibeji dia 17-21.

Min. 15: “Mua kudilongolola bua kufila bibejibeji.”b Sungula bamanyishi babidi, pamuapa muanetu wa balume ne mukajende, bua benze dinaya dia tshilejilu mu minite isatu dia basungula lumue lua ku ngenyi ya mua kufila bibejibeji bia ngondo wa 12 idi mu dibeji dia 8, balejangana mushindu walulondabu, baluamba mu abu mêyi. Pashishe, bakeba mua kulonda ngenyi idi mu tshiena-bualu tshinudi nukonkonona etshi, babanga kudilongolola, benza ne dinaya dia tshilejilu dia mushindu udibu mua kuleja bantu tshiena-bualu tshikuabu tshidibu bamone tshiakanyine teritware wabu menemene.

Min. 15: “Tshingenza ntshinyi pikalabu bakeba kungela tuntu tukese tua mu mashi anyi bakeba kungondapa ne ngondapilu idi ilomba mashi anyi meme muine?” Mu nkonko ne mandamuna, ne dinaya dia tshilejilu. Mukulu wenza muyuki eu alonde anu mudi plan udi biro binutumine au.

Musambu 120 ne disambila dia ndekelu.

Lumingu lua dia 4 Tshisua-munene

Musambu 155

Min. 10: Mamanyisha a mu tshisumbu. Vuluija bamanyishi bua kufilabu luapolo luabu lua mudimu lua ngondo wa 11.

Min. 15: “Buakabuluibua​—Nkomenu wabu munene ukadi pabuipi!”c Kankamija bena mu tshisumbu bua bikale bakeba mua kumvua bimpe malu mimpe a pa buawu adi mu mukanda eu, bu mudi tuzubu ne bimfuanyi. Ku ndekelu kua dilonga dionso, nukonkonone mvese ya mu Bible bua kuenza diambulula.

Min. 20: Andamuna nkonko idibu bakuela ne Bible. Diyukidilangana ne bateleji bilondeshile Tshibumba tshia Nsentedi tshia dia 15 Tshimungu 2002, dibeji dia 17-18, mu katshiena-bualu ka ne: “Tulejayi dinanga bua bulelela butudi tulongesha.” Lomba bateleji bua kuandamunabu lukonko lua tshikoso ne tshikoso tshionso. Dinaya dia tshilejilu: Mumanyishi kampanda wangata mukanda wa Comment raisonner bua kuleja muena mudimu nende diandamuna dia mu Bible dia lukonko ludiye mumuele lua ne: “Bua tshinyi nuenu kanutu nuenza difesto dia Nowele?”

Musambu 168 ne disambila dia ndekelu.

[Mêyi adi kuinshi]