Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 25 Tshisua-munene 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 6 Kasuabanga too ne mu lua dia 25 Tshisua-munene 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshidi mua kutuambuluisha bua kusungula mêyi mimpe a kufila nawu mvese kampanda? [be dib. 148 tshik. 4–dib. 149 tshik. 1]

2. Ngimue mishindu kayi itudi mua kuenza nayi mudimu bua kushindika miaku bimpe? [be dib. 151 tshik. 5–dib. 152 tshik. 3]

3. Bu mudi kulongesha bakuabu Dîyi dia Nzambi bualu bua mushinga mukole, ntshinyi tshidibu batulomba bua ‘kuludikila bantu dîyi dia Nzambi dia bushuwa’? (2 Tim. 2:15) [be dib. 153 tshik. 1-3; dib. 154 tshik. 1-2, kazubu]

4. Tudi mua kutokesha diumvuija dia mvese itudi tubala munyi? [be dib. 154 tshik. 4–dib. 155 tshik. 3]

5. Bua tshinyi mbimpe kuleja patoke dikuatshisha didi nadi malu atudi tuamba? ne ngimue mishindu kayi itudi mua kuleja dikuatshisha edi? [be dib. 157 tshik. 1-4; dib. 158 tshik. 1, kazubu]

MUDIMU NO. 1

6. Mmu mushindu kayi muvua Solomo muikale muambi anyi musangishi? [si-F dib. 112 tshik. 1-3]

7. Mmunyi mudi mukanda wa Muambi upetangana ne malongesha a Yezu? [si-F dib. 114 tshik. 16]

8. Ntshinyi tshidi tshitujadikila ne: Musambu wa Solomo mmukanda muanyisha mu mikanda ya mu Bible? [si-F dib. 115 tshik. 3-4]

9. Mmunyi mudi Muvungu wa Yeshaya uvuabu bangule ku Mbuu Mufue utujadikila ne: Bible utudi nende lelu udi ne malu a ku ntuadijilu avua mafundisha ku nyuma wa Nzambi? [si-F dib. 118 tshik. 6]

10. Tshidi mua kuambuluisha ngamba-malu bua kukepesha malu mu plan wende ntshinyi? [be dib. 42 tshik. 2]

DIBALA DIA BIBLE DIA KU LUMINGU LUONSO

11. Mmunyi mudi ‘badi bakeba Yehowa bajingulula tshishiki [malu onso]’? (Nsu. 28:5)

12. ‘Midimu ya bapote idi ibatekesha’ mushindu kayi? (Muam. 10:15)

13. Mmunyi muvua nsongakaji muena Shulama muikale bu ‘tshibumba tshidi ne tshiibi tshinjila,’ ne mmunyi mudiye tshilejilu tshimpe bua bena Kristo bakaji batshidi bajike? (Mus. wa Sol. 4:12)

14. Pavua Yehowa ulomba bena Isalele bua ‘kupunga dîyi,’ uvuaku ujinga bua kushintulula mikenji yende mikuabu anyi? (Yesh. 1:18a)

15. Mmunyi muvua Yeshaya 11:6-9 mukumbane mu bikondo bia kale, ne mmunyi mudiye ukumbana lelu’eu?