Mamanyisha

▪ Mikanda ya kufila mu Tshisua-munene: Muntu mutambe bunene wa katshia ne katshia. Peshi nudi mua kufila umue wa ku mikanda idi ilonda eyi binuikala nayi mu tshisumbu: La Bible: Parole de Dieu ou des hommes?; Miyuki ya mu Mukanda wa Nzambi; Udi mua kuikala ne muoyo kashidi pa buloba bukudimuna mparadizu. Tshiongo: Mukanda kayi wonso unudi nawu mu tshisumbu wa mabeji 192 ukadi ne mabeji enza bu adi akunzubila anyi mukanda wonso mupatula kumpala kua 1991. Mikanda eyi yoyi kayiyi mu tshisumbu tshienu, nudi mua kufila nansha mukanda wa Dimanya anyi broshire wa Nushale anu batabale!

▪ Mu matuku makese emu, nebatumine tshisumbu tshionso tubeji tua dibikila natu bantu mu Tshivulukilu bua tshidimu tshia 2007 mu muakulu watshi. Bikala mu teritware wenu bantu bakula miakulu mikuabu, ne nujinga bua kupeta tubeji tua mu miakulu ayi, nutulombeshe ne lukasa mu formilere wa dilomba nende mikanda (S-14). Tubeji etu netuikale mu miakulu yamanyishabu mu mukanda wa “Avis à toutes les congrégations” utubu batuma ku ngondo yonso. Nutulombeshe anu mu miakulu idibu bakula mu teritware wenu.

▪ Vulukayi ne: Tshivulukilu tshia mu tshidimu tshia 2008 netshienzeke mu Disambombo dia 22 a ngondo muisatu, kunyima kua dibuela dia dîba. Mbadianjile kumanyisha dituku edi kumpala kua dîba bua bisumbu bitu bisangila Nzubu wa Bukalenge umue bimone mua kudianjila kukeba miaba mikuabu idi bimue mua kuya kuenzela Tshivulukilu. Bakulu bumvuangane bimpe ne muena muaba au bua dituku adi kabenzedipu malu makuabu adi mua kupangisha bua Tshivulukilu kuenzekatshi mu ditalala ne mu bulongame to. Bu mudi Tshivulukilu ne mushinga wa bungi, kasumbu ka bakulu nekasungule mukulu utu ngamba-malu wa dilambu pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bikalaku kudi mukulu mukumbane udi muikale muela manyi ne udi mua kuenza muyuki eu, nebamusungule yeye bua kuwenza.