Ndongamu wa Bisangilu bia Mudimu

Lumingu lua dia 11 Tshisua-munene

Musambu 174

Min. 10: Mamanyisha a mu tshisumbu. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 15 Tshisua-munene ne Réveillez-vous! wa Tshisua-munene. Mu dinaya dimue, leja mushindu wa kuandamuna padi muntu ujinga kukosa muyuki wamba ne: “Kabiena bisankisha to.”​—Tangila kakanda ka Mua kutuadija ne kutungunuka ne mayuki pa Bible, dib. 8 anyi Comment raisonner, dib. 16.

Min. 15: Kalasa ka Mudimu wa Nzambi bua 2007. Muyuki ne diela bamue bantu nkonko kudi mutangidi wa kalasa. Akula bua malu adi akengela kushindamena mu tshisumbu tshienu adi mu tshisakidila tshia mu Mudimu wetu wa Bukalenge wa Kasuamansense 2006. Umvuija ne: mutangidi wa kalasa kêna udianjila kumanyisha bateleji ngikadilu wa bungamba-malu udibu balombe mulongi. Bu mutuikala mua kujikija dibala Mifundu ya tshiena-Ebelu kumbukila ku Yeshaya 24 too ne ku ndekelu kua Malaki mu 2007, tshidimu etshi netshikale tshimpe bua bana betu badibu bapesha mudimu wa Malu manene a mu Bible ne bua aba badi bandamuna baleje malu adi mu mikanda ya bulongolodi idi yakula bua milayi eyi. Ela bamanyishi babidi anyi basatu nkonko; kuikale: mulongi mupiamupia, mulongi utshidi muana ne udi uya kumpala, ne mulongi wa kale. Ubalombe bua baleje mudi kalasa kabambuluishe mu mudimu wa buambi ne mu ngikadilu yabu ya bena Kristo. Kankamija bamanyishi bonso bua badienzeje bua kulongolola bimpe midimu idibu bapeta, bua kuandamuna mu tshitupa tshia Malu manene a mu Bible, ne bua kutumikila ngenyi idibu bafila lumingu luonso ya mu mukanda wa Kalasa ka Mudimu wa Nzambi kadi kakuambuluisha.

Min. 20: “Kanujimiji dinanga dinuvua nadi kumpala to.”a Lomba bateleji bua kumvuija mvese idibu bafile bilondeshile dîba dinudi nadi.

Musambu 193 ne disambila dia ndekelu.

Lumingu lua dia 18 Tshisua-munene

Musambu 150

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Nukonkonone kazubu ka mandamuna ku nkonko yenu. Leja mushindu unudi balongolole buambi bua pa buabu mu dia 25 Tshisua-munene ne mu dia 1 Tshiongo.

Min. 15: “Tupinganyine bantu bonso badi bitaba bulelela nansha kakese.”b Lomba bateleji bua balonde muvuabu bafike ku dipeta adrese anyi mushindu wa kumonangana ne bantu bavua bitabe bua kuyukila nabu pavuabu babayisha pavua mpunga mumueneke anyi mu njila, ne balonde kabidi malu mimpe kampanda avuabu bapete pavuabu bapinganyine bantu abu. Udi mua kulomba muntu umue anyi babidi bua kudianjila kudilongolola bua kuandamuna.

Min. 20: “Lungenyi lua didifila ludi lupetesha masanka.”c Ela mumanyishi umue anyi babidi badi bamanyike bua lungenyi luabu lua didifila nkonko. Bavua baleje lungenyi lua didifila mushindu kayi? Mmalu kayi avuabu bakaje mu nsombelu wabu? Mmushindu kayi uvuabu baakaje? Mmasanka kayi adibu bapete?

Musambu 108 ne disambila dia ndekelu.

Lumingu lua dia 25 Tshisua-munene

Musambu 210

Min. 10: Mamanyisha a mu tshisumbu. Bala luapolo lua konte ne mukanda wa dinuela tuasakidila unudi bapete bua mapa enu. Enza mudimu ne ngenyi idi mu dibeji dia 8 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 1 Tshiongo ne Réveillez-vous! wa Tshiongo. Ku ndekelu kua dinaya dionso, ujule lukonko ludi lueleshisha meji luudi mua kuandamuna ne mukanda wa Bible ulongesha pawapingana.

Min. 15: Majinga a tshisumbu.

Min. 20: “Udi ne teritware webe nkayebe anyi?”d Ulombe mutangidi wa mudimu bua akule mu tshikoso bua kuleja bunene bua teritware wa tshisumbu, bungi bua misangu idibu benzamu mudimu, ne mushindu udi muntu mua kupeta teritware wende nkayende.

Musambu 219 ne disambila dia ndekelu.

Lumingu lua dia 1 Tshiongo

Musambu 158

Dimanyisha: Bisumbu kabiena mua kushintulula Tshisangilu tshia Mudimu tshia lumingu lua dia 1 Tshiongo bua kutshienza mu matuku adi kumpala nansha, anu bikala mutangidi wa tshijengu ukumbula tshisumbu lumingu alu. Mu bisumbu bionso, badi ne bua kukonkonona malu a mpungilu adi mu tshisakidila anu mudibu baleje amu. Bikalaku mpuilu wa tshijengu lumingu alu, batangidi ba dilonga dia mukanda nebamanyishe bena mu dilonga diabu dia mukanda muaba wenzekela mpungilu ne matuku enzekaye.

Min. 5: Mamanyisha a mu tshisumbu. Vuluija bateleji bua kufilabu luapolo lua mudimu wabu lua ngondo wa 12.

Min. 15: Luapolo lua didiunda dia mudimu. Muyuki ne diyukidilangana ne bateleji dimanyine pa mukanda wa Bulongolodi budi buenza disua dia Yehowa, kubangila mu katshiena-bualu kadi mu dibeji dia 83 too ne ku ndekelu kua nshapita.

Min. 25: “Mpungilu wa Distrike wa Bantemu ba Yehowa wa ‘Londa Kristo’ bua 2007.”e Mudimu wenzabu kudi sekretere wa tshisumbu. Kumpala kua kukonkonona tshisakidila, bala mukanda wa mu dia 15 Tshisua-munene 2006 udibu batumine bisumbu bua muaba udibi ne bua kubuela mu mpungilu. Kankamija bantu bonso bua batuadije kudilongolola bua kubuela mu mpungilu.

Musambu 65 ne disambila dia ndekelu.

[Mêyi adi kuinshi]