Mamanyisha
▪ Mikanda ya kufila mu Luabanya: Netufile mukanda wa Bible ulongesha ne kuenza muetu muonso bua kutuadija kulonga Bible ne bantu. Tshisanga ne Lumungulu: Netufile Tshibumba tshia Nsentedi ne Réveillez-vous! Patudi tupinganyina bantu bavua batuakidile bimpe pamue ne batu babuela mu Tshivulukilu anyi mu bisangilu bietu bikuabu binene kadi kabayi batamba kubuela mu bisangilu bikuabu bia tshisumbu, tubapeshe mukanda wa Bible ulongesha bua kumona mua kutuadija kulonga nabu Bible. Kabalashipu: Mukanda wa Créateur anyi wa Nsapi wa disanka mu dîku.
▪ Nupeshe bana betu Tshibumba tshia Nsentedi ne Réveillez-vous! diakamue padibi bifika mu tshisumbu. Nunku nebapete dîba dia kubibala bua kumanya malu adimu kumpala kua kubifilabu mu buambi.
▪ Mutangidi-muludiki anyi mukulu mukuabu wasungulaye neakonkonone konte ya tshisumbu bua ngondo wa 12, wa 1, ne 2. Pajikijabu dikonkonona dia konte edi, nebamanyishe tshisumbu mu luapolo lua konte lua musangu udi ulonda.—Tangilayi formilere wa Instructions sur la comptabilité de la congrégation (S-27).
▪ Tudi balongolole bua bisumbu bitutumine luapolo lua Tshivulukilu lufunda ku telefone (anyi mu SMS). Kadi dituma luapolo elu mu telefone kadiena dipingana pa muaba wa formilere wa S-7 to. Kadi eu udi anu mushindu mukuabu utudi basakidile bua tuikale bashindike ne: luapolo lua bantu bavua babuele mu Tshivulukilu lua tshisumbu tshionso luikala lufika ku biro. Mutangidi-muludiki udi ne bua kubalulula mukanda wa mu dia 15 Tshisua-munene 2006 udi wakula bua bualu ebu.
▪ Réveillez-vous! wa ngondo muitanu wa 2007 neikale ne tshiena-bualu ne: “Mua kusomba mu bulongolodi bua kansungasunga.” Pa kumona mushinga udi nawu tshiena-bualu etshi, nebasakidile bia pa lukama 10 ku bungi bua bibejibeji ebi butu tshisumbu tshionso tshipeta.
▪ Mutangidi-muludiki udi ne bua kulongolola bua kuikalabu babadila bena mu tshisumbu mukanda udi betele utuma ku ngondo yonso bua kuleja ne: bavua bapete makuta avua tshisumbu tshitume bua mudimu wa pa buloba bujima anyi bua mikuabu midimu yetu mu Tshisangilu tshia mudimu. Mu mikanda eyi badi bamanyisha bena mu tshisumbu bua mushindu udibu batule makuta aa ne babela tuasakidila bua bidibu bafile ebi, nansha biobi bivule anyi bikese.—Tangila Luka 21:1-4.