Malu a kuvuluka bua Tshivulukilu

Tshivulukilu tshia tshidimu etshi netshienzeke mu Dimue dia matuku 2 a ngondo 4. Bakulu batangile bimpe malu adi alonda aa:

▪ Panudi nusungula dîba diatuadija tshisangilu etshi, nuamanya bua mampa ne mvinyo kabipitshi kumpala kua dîba kadiyi dianji kubuela.

▪ Bantu bonso pamue ne ngamba-malu, badi ne bua kuikala bamanye bimpe dîba dijalame ne muaba wenzekela Tshivulukilu.

▪ Nukebe mvinyo ne nuenze mampa adi makanyine Tshivulukilu kumpala kua dîba.​—Tangilayi Tshibumba tshia Nsentedi tshia dia 15 Luishi 2003, dib. 14-15.

▪ Malongo, vere, mesa ne tshilamba tshimpe tshia kuabuikila mbia kuya nabi muaba unuenzela Tshivulukilu ne kubiteka muaba udibi bikengela kumpala kua dîba.

▪ Nudianjile kulongolola Nzubu wa Bukalenge anyi muaba mukuabu unuenzela Tshivulukilu bimpe menemene.

▪ Nudianjile kusungula bakididianganyi ne bana betu bendesha mampa ne mvinyo; nubaleje mua kuenza midimu yabu bimpe; nubambile bua bikale bavuale bimpe ne bakoseshe nsuki yabu bimpe.

▪ Nuavulukayi bua kutuadila muela manyi yonso udi kayi ne mushindu wa kufika muaba unudi nuenzela Tshivulukilu diampa ne mvinyo.

▪ Bikala bisumbu bia bungi bienzela Tshivulukilu mu Nzubu wa Bukalenge umue, numvuangane bimpe bua bantu kabunguidi patupu mu mishiku ya mbelu, mu njila anyi muaba wa dimanyikila mashinyi, mioto ne makalu.