Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabal.

“Kuenaku pebe umona ne: bantu ba bungi lelu eu mbasue kudisunguila tshidi tshimpe ne tshibi anyi? [Lekela muntu andamune.] Tangila tshilejilu tshia mibelu idi kayiyi ishintuluka ya mu Mukanda wa Nzambi. [Bala mvese umue ku idi mu kazubu kadi mu dibeji 6-7.] Tshibejibeji etshi tshidi tshileja mudibi bia mushinga bua tuetu kutumikila mikenji ya bikadilu idi mu Bible.

Réveillez-vous! Kabal.

“Tuetu bonso tudi dijinga ne makuta bua kudiambuluisha nawu. Udi wela meji ne: mbimpe kudina ne kasuki mu dikeba dia makuta anyi? [Lekela muntu andamune.] Tangila tshidi kudifila bikole mu dikeba dia bubanji mua kuenzela muntu. [Bala 1 Timote 6:10.] Tshibejibeji etshi tshidi ne ngenyi idi ileja mudi muntu mua kupepeja nsombelu wende ne kuikala ne ndambu wa makuta.”

Tshibumba tshia Nsentedi 1 Kash.

“Ukadiku mudiebeje bua tshinyi bantu batu bakengeshangana anu bualu ki mba dikoba dimue, ditunga dimue anyi bualu kabena bakula muakulu umue anyi? [Lekela muntu andamune.] Mona tshidi tshikebeshe bualu ebu. [Bala 1 Yone 4:20.] Tshibejibeji etshi tshidi tshiandamuna lukonko elu lua ne: Bantu ba bisamba bishilangane badiku mua kusomba mu buobumue anyi?”

Réveillez-vous! Kash.

“Bantu mbashilangane ne nyama idi yenza malu ne tshingenyingenyi bualu bobu badi ne bukole bua kusungula nsombelu udibu basue kuikala nende. Buebe wewe, ntshinyi tshidi mua kubambuluisha bua kusungulabu bimpe? [Lekela muntu andamune. Pashishe bala Musambu 119:105.] Tshibejibeji etshi tshidi tshileja mudi mibelu ya mu Bible mipite mikuabu yonso kule ne kule bua kusungula tshidi tshimpe.”