Ndongamu wa Bisangilu bia Mudimu
Lumingu lua dia 8 Kasuamansense
Musambu 56
Min. 10: Mamanyisha a mu tshisumbu. Angata ngenyi idi mu dibeji dia 8 anyi mikuabu idi miakanyine teritware wenu ne enzeje nayi dinaya dia tshilejilu dia mua kufila Tshibumba tshia Nsentedi tshia dia 15 Kasuamansense ne Réveillez-vous! wa Kasuamansense. Mu dinaya dionso, bafile bibejibeji bionso bibidi nansha muakuilabu anu bua tshimue.
Min. 20: Tushalayi balamate bulongolodi bua Yehowa. Muyuki ne diyukidilangana ne bateleji muangatshila mu nshapita wa 17 wa mukanda wa Bulongolodi budi buenza disua dia Yehowa.
Min. 15: “Réveillez-vous! wa pa buende utuafila mu Kasuabanga”a Akula mu tshikoso bua malu adi mu Réveillez-vous! wa ngondo wa 11. Pashishe konkononayi tshiena-bualu etshi mu nkonko ne mandamuna. Panudi nufika mu tshikoso 3, angata lungenyi ludi mu dibeji dia 8 anyi lukuabu luakanyine teritware wenu ne enzeja nalu dinaya dia tshilejilu bua kuleja mua kufila Réveillez-vous! eu. Balongolole tshialuabu kuyukila musangu udi ulonda kumpala kua kujikijabu dinaya.
Musambu 10
Lumingu lua dia 15 Kasuamansense
Musambu 67
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.
Min. 20: Bulelela budiku bukuama mamuma munda mua baudi ulongesha anyi? Muyuki ne diyukidilangana ne bateleji bilondeshile Tshibumba tshia Nsentedi tshia dia 1 Luishi 2005 dibeji dia 28-30. Leja kabidi mudi nkonko idi mu mukanda wa Bible ulongesha milongolola bua kutuambuluisha bua kumanya tshidi mu mutshima wa mulongi. Konkonona bilejilu bikese bu mudi nshapita 1 tshikoso tshia 19; nshapita 2 tshikoso 4; nshapita 3 tshikoso tshia 24; ne nshapita 4 tshikoso tshia 18. Kankamija bamanyishi bua kuenza mudimu bimpe ne ngenyi mishilashilangane idi mu mukanda eu.
Min. 15: Utshidi muvuluke anyi? Diyukidilangana ne bateleji bilondeshile Tshibumba tshia Nsentedi tshia dia 15 Tshimungu 2007 dibeji dia 19.
Musambu 151
Lumingu lua dia 22 Kasuamansense
Musambu 175
Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Angata ngenyi idi mu dibeji dia 8 anyi mikuabu idi miakanyine teritware wenu ne enzeje nayi dinaya dia tshilejilu dia mua kufila Tshibumba tshia Nsentedi tshia 1 Kasuabanga ne Réveillez-vous! wa Kasuabanga.
Min. 15: Majinga a tshisumbu.
Min. 20: Tuendayi bu bana ba butoke. Muyuki ne dielangana dia nkonko. Tudi bapatuke mu midîma ya pa buloba ebu ne bitabe bua butoke bua Yehowa butulombole. (Ef. 5:8, 9) Butoke ebu mbuakaje nsombelu wetu bikole, bumuvuije ne mushinga. (1 Tim. 4:8) Butoke ebu mbutupeshe kabidi ditekemena. (Lomo 15:4) Ela bamanyishi babidi anyi basatu bavua batantamene ntatu mikole bua kumona mua kudia bulunda ne Yehowa ne kubulama nkonko. Ntatu kayi ivuabu bapete pakitababu bulelela? Ntshinyi tshiakabambuluisha bua kuyitantamena? Mmunyi mudi nsombelu wabu muimpe mpindieu? Ntshinyi tshidi tshibambuluishe bua kushala balamate anu ku bulelela? Jikija ne mêyi a kukankamija nawu bantu bonso bua kutungunukabu ne kukolesha malanda abu ne Yehowa ne kuleja dianyisha dia bungi bua bulelela budiye mubaleje patoke.—2 Pet. 1:5-8.
Musambu 23
Lumingu lua dia 29 Kasuamansense
Musambu 124
Min. 10: Mamanyisha a mu tshisumbu. Vuluija bamanyishi bua kufilabu luapolo lua mudimu bua Kasuamansense. Tela mikanda ituafila mu buambi mu ngondo wa 11 ne enzeje dinaya dia tshilejilu dimue.
Min. 15: Difundila bipatshila bia mu nyuma bua kutumbisha Mufuki webe. Muyuki ne diyukidilangana ne bateleji bilondeshile Tshibumba tshia Nsentedi tshia dia 15 Kashipu 2004 dibeji dia 21-23. Lomba bateleji bua baleje bipatshila bivuabu badifundile ne tshidibu benza bua kubikumbaja. Udi mua kudianjila kuambila muanetu umue anyi babidi bua badilongolole.
Min. 20: “Ambuluishe bapele bapete ditekemena.”b Panudi nufika mu tshikoso 2, usakidile ngenyi idi mu Réveillez-vous! wa dia 8 Kabitende 2003 dibeji dia 26-27.
Musambu 7
Lumingu lua dia 5 Kasuabanga
Musambu 156
Min. 10: Mamanyisha a mu tshisumbu.
Min. 15: Muudi mua kukuba bana bebe ne meji a kudi Nzambi. Muyuki muangatshila mu Tshibumba tshia Nsentedi tshia 1 Tshiongo 2005 dibeji dia 23-27.
Min. 20: “Dikankamijangana.”c Lomba bateleji bua baleje malu masunguluke a mushindu uvua mutangidi wa tshijengu mubakankamije pavuaye ukumbula tshisumbu tshiabu. Udi mua kuambila muanetu umue anyi babidi bua badianjile kudilongolola.
Musambu 192
[Mêyi adi kuinshi]
a Mbuelelu webe kapitshi pa munite umue to, pashishe utungunuke mu nkonko ne mandamuna.
b Mbuelelu webe kapitshi pa munite umue to, pashishe utungunuke mu nkonko ne mandamuna.
c Mbuelelu webe kapitshi pa munite umue to, pashishe utungunuke mu nkonko ne mandamuna.