Mandamuna ku nkonko yenu

▪ Mbimpe bua muntu kufundaye adrese wende wa Internet pa mikanda idiye ufila mu buambi anyi?

Bamue bamanyishi batu balamika dibeji didibu bafunda adrese wabu wa Internet ku bibejibeji anyi trakte idibu bapesha bantu. Nunku bantu badi bangata mikanda eyi badi mua kupeta mushindu wa kubafundila bua kumanya amue malu. Mushindu udi bamanyishi aba baditatshisha bua kuambuluisha bantu badi basue kumanya bulelela mmuimpe. Kadi tumanye ne: bibejibeji ne trakte yetu yonso itu ne adrese wa Internet wa bulongolodi buetu. Ke bualu kayi ki mbimpe bua mumanyishi kulamikaye adrese wende ku mikanda yetu to.

Kadi muntu nkayende udi mua kupesha bantu ba mu teritware wende kabeji ka adrese wende pa bule kakayi kalamika ku mikanda yetu to, nangananga padiye ubapinganyina. Mbitambe buimpe bua mumanyishi kupinganyinaye bantu bavua bamuteleje bua kutungunuka ne kuyukila nabu malu makuabu pamutu pa kubashila anu adrese wende bua bamufundile. Muntu udi mua kumona mutudi tumutabalela bimpe patudi tuyukila nende mpala ne mpala.