Tuye kubatangila katuyi tujingakana

Nnganyi au utudi ne bua kuya kutangila ne lukasa katuyi tujingakana? Mmuntu yonso udi ulomba mikanda yetu anyi eu utu wangata bibejibeji bitutu tumutuadila dîba dionso ditubi bipatuka peshi muntu yonso udi musue bua Bantemu bamupinganyina. Malomba aa nga kudi banganyi? Nga kudi bantu badi bafundila biro bia filiale mikanda anyi bela nshinga peshi batuma mikanda ya nunku ku Internet mu adrese wetu. Padi muntu uleja dijinga dia mushindu eu, biro bia filiale bidi bitumina tshisumbu tshidi pabuipi nende formilere (S-70) udi ne miaku ne: “Veuillez faire en sorte qu’un proclamateur expérimenté rende visite à cette personne.” Padi bakulu bapeta formilere eu wa S-70, badi ne bua kumupesha diakamue mumanyishi udi mua kutungunuka ne kuambuluisha ne tshisumi tshionso muntu udi muleje nyota ya bulelela eu. Bikala mumanyishi udibu basungule eu muikale ne lutatu lua kupeta muntu au ku nzubu, udi nansha mua kuteta bua kumubikila ku telefone anyi kumufundila ka-mukanda ne kumuelelaku konso kajima muinshi mua tshibi kakayi kamueneka pa mbelu to. Buobu bakulombe bua kuya kutangila muntu wa mushindu eu udi ne nyota ya kumanya bulelela, udienzeje bua kumukeba ku nzubu, uye kumutangila kuyi ujingakana to.