Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuab.

“Tuetu bonso tutu basue kuikala ne nsombelu muimpe wa disanka. Udi witaba pebe bualu buvua Yezu muambe mu mvese eu bu bualu budi mua kutupetesha disanka anyi? [Bala Matayo 5:3. Pashishe lekela muntu andamune.] Tshibejibeji etshi tshidi tshileja mudi kukumbaja dijinga dietu dia ku tshilelelu dia kutendelela Nzambi kutupetesha disanka.”

Réveillez-vous! Kasuab.

“Mu tshikondo tshietu etshi tshia malu a sianse, bantu mbalue bena mpata ne ba bungi badi bamona Bible bu katshiena kabidi ne mushinga to. Udi wela meji kayi bua bualu ebu? [Lekela muntu andamune.] Uvuaku mumanye ne: tshidi Bible wamba bua malu a sianse ntshilelela anyi? [Bala Yobo 26:7.] Réveillez-vous! wa pa buende eu udi utuleja malu adi atufikisha ku dieyemena Bible.”

Tshibumba tshia Nsentedi 1 Tshisua.

“Mmunyi muudi mua kuandamuna lukonko elu? [Bala lukonko ludi pa tshizubu. Pashishe lekela muntu andamune.] Nzambi mmulongolole bua bantu bonso basombe mu buobumue. [Bala Musambu 46:8, 9.] Mbaleje mu tshibejibeji etshi tshidi Bible wamba bua mushindu wafika bantu mua kusomba mu buobumue.”

Réveillez-vous! Tshisua.

“Bamue bantu badi bela meji ne: padi muntu ufua, udi uya kusomba muaba kampanda, bakuabu pabu ne: lufu ke ndekelu wa bionso. Wewe utu wela meji ne: lufu ntshintu tshia kutshina anyi? [Lekela muntu andamune.] Tangila muvua Yobo wela meji bua lufu luende. [Bala Yobo 14:14, 15.] Tshibejibeji etshi tshidi ne ngenyi ya mu Bible idi ileja tshidi tshituenzekela patudi tufua.”