Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshio.

“Udiku witaba pebe tshidi mvese eu wamba anyi? [Bala Yakobo 3:2.] Tshiena-bualu etshi tshidi tshifila imue mibelu mimpe ya mu Bible idi mua kutuambuluisha bua kubenga kutapa bena mu dîku dietu ku muoyo ne mêyi mabi.” Leja tshiena-bualu tshidi mu dibeji dia 10.

Réveillez-vous! Tshio.

“Bena mu dibaka dionso edi batu anu ne ntatu. Buebe wewe, nkuepi kudibu mua kupeta mibelu mimpe? [Lekela muntu andamune.] Tangila tshidibu mua kuenza. [Bala Efeso 5:22, 25.] Tshiena-bualu etshi tshidi tshileja mudi mukaji mua kukokela bayende.” Leja tshiena-bualu tshidi mu dibeji dia 28.

Tshibumba tshia Nsentedi 1 Lui.

“Pa kumona ntatu itudi nayi lelu eu, udi wela meji ne: kudi mushindu wa kupeta ditalala dia bushuwa anyi? [Lekela muntu andamune.] Tshidi Bible wamba bua matuku atshilualua ntshiambuluishe bantu ba bungi. [Bala umue wa ku mvese idibu bafile mu tshiena-bualu tshiudi musungule bua kuleja bantu.] Tshibejibeji etshi tshidi tshileja tshidi Bible wamba bua kutudi bafume, tshitudi tuenza pa buloba apa ne tshidi tshituindile kumpala eku.”

Réveillez-vous! Lui.

“Bantu ba bungi badi badimona mu njiwu bua mushindu udibu bashipangana lelu eu. Udi wela meji ne: malu adiku mua kulengela anyi? [Lekela muntu andamune.] Tangila bualu buimpe bukavua Bible mulaye. [Bala Musambu wa 37:10.] Tshibejibeji etshi tshidi tshiakula bua malu adi akebesha dishipangana ne tshileja tshidi Bible wamba bua kujikija bualu ebu.”