Mamanyisha

▪ Mikanda ya kufila mu Luabanya: Bible utu ulongesha tshinyi menemene? Tshisanga ne Lumungulu: Tshibumba tshia Nsentedi ne Réveillez-vous! Nuenze muenu muonso bua kupingana bua kutangila bantu bapiabapia bavua babuele mu Tshivulukilu ne mu muyuki wa pa buawu kabidi batu kabayi badisangisha netu. Kipatshila ka diya kubatangila nka kutuadija kubalongesha Bible bikalabu kabayi banji kutuadija kumulonga. Kabalashipu: Bible utu ulongesha tshinyi menemene? Nuenze muenu muonso bua kutuadija kulongesha bantu Bible.

▪ Padi tshisumbu tshipeta dibuki diatshi dia Tshibumba tshia Nsentedi ne Réveillez-vous! tshidi ne bua kubiabanyina bantu musangu umue. Dienza nunku nediambuluishe bamanyishi bua kubala ne kumvua malu adimu kumpala kua kubifilabu mu buambi.

▪ Mutangidi-muludiki neasungule muntu mukuabu bua akonkonone konte ya tshisumbu bua ngondo wa 12, wa 1 ne 2. Muntu umue umue kêna ne bua kuenza mudimu eu misangu ibidi milondangane to. Padibu bajikija dikonkonona edi, nebamanyishe tshisumbu mu luapolo lua konte lua musangu udi ulonda.​—Tangila mumvuija a mushindu kubala makuta a tshisumbu (S-27).

▪ Tshiena-bualu tshia mpungilu wa distrike wa 2008 tshidi ne: “Nyuma wa Nzambi udi utulombola.” Mudimu wetu wa Bukalenge wa ngondo 4 neumvuije bimpe malu adi mua kutuambuluisha bua kudilongolola bua kubuela mu matuku onso 3 a mpungilu eu. Kuoku mushindu, udi mua kudianjila kulomba dikisha ku mudimu bua wapeta mushindu wa kubuela mu mpungilu matuku onso 3.