Ndongamu wa Bisangilu bia Mudimu

DIMANYISHA: Mu ngondo idi mpungilu wenzeka, Mudimu wetu wa Bukalenge newikale ne programe wa Tshisangilu tshia Mudimu lumingu luonso. Bisumbu bidi mua kumushintulula bua kumona mua kubuela mu Mpungilu wa Distrike wa “Nyuma wa Nzambi udi utulombola.” Padiku mushindu, nuangate minite 15 mu Tshisangilu tshia Mudimu tshia ndekelu kumpala kua nuenu kubuela mu mpungilu bua kuambulula mibelu ne malu a kuvuluka adi makanyine tshisumbu tshienu mu tshisakidila tshia ngondo eu. Ngondo umue anyi ibidi mpungilu mumane kujika, nuangate minite 15 anyi 20 mu Tshisangilu tshia Mudimu (nudi mua kuangata nansha minite 15 ivuabu balongolole bua majinga a tshisumbu) bua kuambulula malu a mu mpungilu adi bana betu bamone ne: adi mua kubambuluisha mu mudimu wa buambi. Mutangidi wa mudimu ke wikala mua kulombola diambulula edi. Lomba bateleji bua baleje mushindu udibu bakuata nawu mudimu mu buambi anyi mudibu balongolole bua kuenza nawu mudimu mu buambi.

Lumingu lua dia 14 Tshisanga

Musambu 183

Min. 10: Mamanyisha a mu tshisumbu ne makuabu masungula a mu Mudimu wetu wa Bukalenge. Angata ngenyi idi mu dibeji dia 8 anyi mikuabu idi miakanyine teritware wenu, wenzeje dinaya dia tshilejilu dia mua kufila Tshibumba tshia Nsentedi tshia dia 1 Tshisanga ne Réveillez-vous! wa Tshisanga.

Min. 15: “Ikalayi ne muoyo wa dianyisha.”a Pikalaku dîba, lomba bateleji bua bumvuije mvese idi kayiyi ne mêyi ayi mu bikoso.

Min. 20: “Tuikale tusamba badi mu madilu.”b Lomba bateleji bua balonde malu mimpe avuabu bamone adi aleja buimpe bua kusamba muntu udi mufuishe.

Musambu 42

Lumingu lua dia 21 Tshisanga

Musambu 171

Min. 10: Mamanyisha a mu tshisumbu. Bala luapolo lua konte ne mukanda wa dinuela tuasakidila bua mapa anuvua bifile. Vuluija bateleji bua kuluabu ne Tshibumba tshia Nsentedi tshia dia 1 Lumungulu ne Réveillez-vous! wa Lumungulu mu Tshisangilu tshia Mudimu tshia lumingu ludi kumpala, ne bikale badilongolole bua kuyikila pa biena-bualu bidi bikumbanyine teritware wenu.

Min. 10: Majinga a tshisumbu.

Min. 25: “Tshikondo tshia kudia mu nyuma kutshionkomoka.”c Tshienzabu kudi sekretere. Manyisha muaba wenzekela mpungilu udi tshisumbu tshienu ne bua kubuela. Nukonkonone kabidi kazubu ka “Malu a kuvuluka bua mpungilu wa distrike.”

Musambu 197

Lumingu lua dia 28 Tshisanga

Musambu 55

Min. 15: Mamanyisha a tshisumbu. Vuluija bambi ba lumu luimpe bua kufilabu luapolo lua mudimu lua ngondo 4. Umvuija mu tshikoso malu adi mu Tshibumba tshia Nsentedi tshia dia 1 Lumungulu ne Réveillez-vous! wa Lumungulu, pashishe ulombe bateleji bua baleje biena-bualu bidi biakanyine bantu mu teritware wenu ne bumvuije bua tshinyi mbiakanyine. Lomba bateleji baleje ngenyi ya mua kufila bibejibeji ebi bilondeshile biena-bualu bidimu bidibu basue kuleja bantu. Ndukonko kayi ludibu mua kuela muntu bua kutuadija muyuki? Mvese kayi udi mu tshiena-bualu udibu mua kumubadila? Mmunyi mudibu mua kulamakaja mvese eu ne diandamuna dia lukonko alu? Angata ngenyi idi bateleji bafile anyi idi mu Mudimu wetu wa Bukalenge, wenzeje nayi dinaya dia mushindu wa kufila bibejibeji ebi.

Min. 10: Mandamuna ku nkonko yenu. Diyukidilangana ne bateleji.

Min. 20: “Nulonde mu makasa ende.”d Pikalaku dîba, ulombe bateleji bua kumvuijabu mvese idi mêyi ayi kaayi mafunda mu bikoso.

Musambu 65

Lumingu lua dia 5 Lumungulu

Musambu 217

Min. 10: Mamanyisha a mu tshisumbu

Min. 15: Yehowa kakukulekela nansha kakese. Muyuki udi ukolesha muangatshila mu Tshibumba tshia Nsentedi tshia dia 15 Kasuamansense 2005, dibeji dia 8-11.

Min. 20: “Uye kumpala mu kuyisha kuebe.”e Panudi nufika mu tshikoso 3, leja mêyi a mu mukanda wa Kalasa ka mudimu, dibeji 6-8, mu katshiena-bualu ka “Mua kupeta diambuluisha bimpe.”

Musambu 11

[Mêyi adi kuinshi]