Ndongamu wa Bisangilu bia Mudimu

Lumingu lua dia 14 Kashipu

Musambu 126

Min. 10: Mamanyisha a mu tshisumbu. Angata ngenyi idi mu dibeji 4 anyi mikuabu idi miakanyine teritware wenu, wenzeje nayi dinaya dia tshilejilu dia mushindu wa kufila Tshibumba tshia Nsentedi tshia dia 1 Kashipu ne Réveillez-vous! wa Kashipu anyi nimero kayi yonso wa tshibejibeji udiku.

Min. 15: Utu ‘wakula ne dikima’ anyi? Muyuki muangatshila mu Tshibumba tshia Nsentedi tshia dia 15 Lumungulu 2006 dibeji dia 13-16. Utambe kuakuila pa mushinga wa kuyisha ne dikima.

Min. 20: “Tulongayi mukanda wa Tutendelelayi Nzambi.”a Leja malu kampanda a pa buawu adi mu mukanda eu. Leja mu tshikoso programe wa dilonga dia mukanda udi mu dibeji 3 dia Mudimu wetu wa Bukalenge eu. Lomba bantu bonso bua bikale babuela mu tshisangilu etshi ne bafilamu mandamuna. Ebeja muanetu umue anyi babidi batu ne tshibidilu tshia kulongolola bisangilu bua kumanya tshitu tshibasaka bua kubilongolola.

Musambu 147

Lumingu lua dia 21 Kashipu

Musambu 95

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Vuluija bateleji bua kuluabu ne Tshibumba tshia Nsentedi tshia dia 1 Tshimungu ne Réveillez-vous! wa Tshimungu mu Tshisangilu tshia Mudimu tshia lumingu ludi kumpala; badilongolole bua kuyikila pa biena-bualu bidi biakanyine teritware wenu.

Min. 15: “Tangilayi tshilumbu tshia badi bapange kubala.” (Bala mukanda wa mu dia 20 Tshisanga 2008)

Min. 20: “Didilongolola didi ne mushinga bua makumbula mapiamapia malenga.”b Enzeja dinaya dia muntu udiakuila nkayende mu minite 4 uleja mudiye udilongolola bua kupinganyina bantu. Udi ubalulula malu avuaye mufunde, mpindieu umona ne: udi ne bua kupinganyina bantu babidi ku ndekelu kua lumingu elu. Pashishe, udi utangila bualu buvuabu bayikile ne muntu yonso wa kudibu, wangata dipangadika dia tshidiye mua kuenza ne ukeba mushindu wa kukumbaja bualu ebu. Udi udilongolola bua kutuadija kulongesha muntu umue Bible. Kadi bua muntu muibidi, udi udilongolola bua kuenza mudimu ne ngenyi idi mu tshikoso 5 bua kumufikisha ku dinanga bulelela.

Musambu 189

Lumingu lua dia 28 Kashipu

Musambu 6

Min. 10: Mamanyisha a mu tshisumbu. Vuluija bamanyishi bua kufilabu luapolo lua Kashipu. Bala luapolo lua konte ne mukanda udi biro binutumine bua kunuela tuasakidila. Tela mikanda ituafila mu ngondo wa 8 ne enzeja dinaya dia tshilejilu.

Min. 15: Tutungunukayi ne kuenza malu ne mitalu. Muyuki wa kuenza ne musangelu, muangatshila mu Tshibumba tshia Nsentedi tshia dia 15 Tshisua-munene 2006 dibeji dia 18-19 tshikoso tshia 17-21.

Min. 20: Dilongolola bua kufila bibejibeji bipiabipia. Diyudikidilangana ne bateleji. Wewe mumane kuleja malu makese adi mu Réveillez-vous! wa Kashipu anyi Tshimungu ne Tshibumba tshia Nsentedi tshia dia 1 Kashipu anyi tshia dia 1 Tshimungu, ebeja bateleji bua baleje biena-bualu bidi mua kusankisha bena mu teritware wenu ne bambe bua tshinyi. Lomba bateleji bua baleje malu masunguluke adi mu biena-bualu abi ikalabu mua kuyikila ne bantu. Ndukonko kayi luudi mua kubanga nalu muyiki? Mmvese kayi udi mu tshiena-bualu udibu mua kubala? Enza mudimu ne lumue lua ku ngenyi ya mua kufila nayi tshibejibeji idi mu Mudimu wetu wa Bukalenge anyi ludi bateleji bafile bua kuleja mushindu wa kufila tshibejibeji tshionso.

Musambu 106

Lumingu lua dia 4 Tshimungu

Musambu 222

Min. 10: Mamanyisha a mu tshisumbu.

Min. 15: Bana bebe mbalongolola bua kutantamena ntatu idibu mua kupeta mu tulasa anyi? Muyuki ne diyukidilanga ne bateleji. Leja imue ntatu itu bansonga bena Kristo batuilangana nayi mu tulasa. Umvuija mushindu udi baledi ne bana babu mua kuenza mudimu ne Index de la Société Watchtower bua kupeta malu adi mua kubambuluisha. Fila bimue bilejelu. (Tangila tshiena-bua tshia “École” [Tulasa], kamutu ka bualu kakese ka “rapports.”) Ebeja bateleji badi bakolele mu mêku a baledi bikale Bantemu ba Yehowa bua bumvuije mushindu uvua baledi babu babalongolole bua kutantamena ntatu ne kutumikila mikenji ya mu Bible mu tulasa. Badi mua kuakula kabidi bua bipeta bivuabu bapete pavuabu bakuila pa tshiena-bualu kampanda tshia mu Réveillez-vous! kumpala kua mulongeshi ne balongi. Baleje mushindu uvua diyisha mu tulasa dibambuluishe mu malu a bungi.

Min. 20: “Tudi tushimbula ngumbu mikolesha.”c Lomba bateleji baleje mushindu uvua balongeshi babu ba Bible babambuluishe ne lutulu bua kulekela malongesha a mu bitendelelu bia dishima avuabu balamate bikole.

Musambu 83

[Mêyi adi kuinshi]