Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 23 dia ngondo muibidi 2009. Mutangidi wa kalasa neenzeje diambulula edi mu minite 20 bilondeshile malu avuabu balongeshe mu kalasa kutuadijila mu lumingu lua dia 5 Tshiongo too ne ku lua dia 23 Luishi 2009.

1. Bikala Nzambi uvua mulue kuenza dîba ne ngondo ne mitoto mu dituku dinayi, mmunyi muvuaye mua kupatula butoke mu dituku dia kumpala? (Gen. 1:3, 16) [w04 1/1 dib. 28 tshik. 5]

2. Yehowa kavua muambile Noa bua kukokesha buloba bu muvuaye muambile Adama to. Bidi bisua kumvuija tshinyi? (Gen. 9:1) [it-1-F dib. 788 tshik. 6]

3. Tshipungidi tshia Abalahama tshiakatuadija dîba kayi? Tshivua ne bua kushala matuku bungi kayi? (Gen. 12:1-4) [w04 15/1 dib. 27 tshik. 1; w01 15/8 dib. 17 tshik. 13]

4. Ntshinyi tshidi tshijadika ne: Nimerode ne bantu bavua bamulonde bakapangila bua ‘kuikala ne dîna dia butumbi’ divuabu bakeba? (Gen. 11:4) [w98 15/3 dib. 25]

5. Mu 2 Petelo 2:7 badi babikila Lota ne: “muntu muakane.” Kadi, bua tshinyi wakajinga bua kufila bana bende ba bakaji kudi tshisumbu tshia bantu babi? (Gen. 19:8) [w05 1/2 dib. 26 tshik. 15-16; w04 15/1 dib. 27 tshik. 4]

6. Bu mudi balume badi banemeka Nzambi ne bua kukumbaja majinga a bena mu mêku abu, bua tshinyi Abalahama uvua mutume Hagâ ne Ishemaele mu tshipela? (Gen. 21:10-21; 1 Tim. 5:8) [w88-F 15/2 dib. 31]

7. Eliezê wakenza muende muonso bua kuenza malu anu bu muvua Yehowa musue pakayaye kukebela Izaka mukaji. Bualu ebu budi butulongesha tshinyi? (Gen. 24:14, 15, 17-19, 26, 27) [w97 1/1 dib. 31 tshik. 2]

8. Yakoba wakamona mu tshilota tshibandilu, ‘banjelu babandapu, bapuekapu’; bidi biumvuija tshinyi? (Gen. 28:10-13) [w03 15/10 dib. 29 tshik. 1; it-1-F dib. 683]

9. Bua tshinyi Lakela uvua ukeba ne muoyo mujima tumuma (tua mandragore) tuvua natu muana wa Lea? (Gen. 30:14, 15) [w04 15/1 dib. 28 tshik. 7]

10. Bua tshinyi Yakoba udi tshilejilu tshimpe tshia mushindu wa kujikija bilumbu ne bakuabu? (Gen. 33:3, 4) [g82-F 22/5 dib. 19 tshik. 8-10]