Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/8

“Udi wela meji ne: bantu badi dijinga ne tshinyi bua kuikalabu ne disanka? [Lekela muntu andamune. Pashishe bulula Bible mu Matayo 5:3.] Ebu budi anu bualu bumue patupu buvua Yezu muleje bua kuikala ne disanka. Tshiena-bualu etshi tshidi tshileja malu atudi tulongela kudi Yezu bua kuikala ne disanka dia bushuwa.” Leja muntu tshiena-bualu tshidi mu dibeji dia 16.

Réveillez-vous! Ngondo wa 8

“Filme ya bungi lelu idi ne malu a bademon ne a baloji. Udi wela meji ne: bademon batuku anyi? [Lekela muntu andamune. Pashishe bala 1 Kolinto 10:20.] Tshiena-bualu etshi tshidi tshileja tshidi Bible wamba bua bademon ne tshitudi mua kuenza bua kabatuenzedi bibi.” Leja muntu tshiena-bualu tshidi mu dibeji dia 20.

Tshibumba tshia Nsentedi 1/9

Londela muntu bualu budi buenzeke muaba unudi basombele. Pashishe umuambile ne: “Ukadiku mudikonke bua tshinyi bantu batu benza malu mabi a nunku anyi? [Lekela muntu andamune.] Bible udi utupesha ditekemena. [Bala 2 Petelo 3:13.] Tshibejibeji etshi tshidi tshileja tshidi Bible wamba bua tshidi tshikebesha malu mabi ne muikala Nzambi ne bua kuajikija mu katupa kakese emu.”

Réveillez-vous! Ngondo wa 9

“Udi wela meji ne: telefone, difundilangana malu ku Enternete ne mishindu mikuabu idiku lelu ya kuyukila ne bantu mibambuluishe bua kubenga kudiumvua nkaya peshi yoyi ke idi ibafikisha ku didiumvua nanku? [Lekela muntu andamune.] Tangila bualu budi mua kutuambuluisha bua kubenga kudiumvua nkaya. [Bala Bienzedi 20:35.] Mu tshibejibeji etshi mudi mibelu mikuabu ya mu Bible.”