Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/9

“Bantu batu pamuapa benza malu mabi bua malu atubu babalongesha mu bitendelelu biabu. Buebe wewe, bua tshinyi batu bafika ku dienza malu aa? [Lekela muntu andamune.] Tangila tshidi Bible utulomba bua kuenza. [Bala 1 Yone 4:1.] Tshiena-bualu etshi tshidi tshileja bua tshinyi mbimpe kufuanyikija malu adibu batulongesha ne tshidi Dîyi dia Nzambi diamba.” Leja muntu tshiena-bualu tshidi tshituadija mu dibeji dia 10.

Réveillez-vous! Ngondo wa 9

Bala Matayo 5:39. Pashishe wambe ne: “Udi wela meji kayi, Yezu uvua wamba ne: padibu batuenzela malu mabi, tushale anu bapuwe anyi? [Lekela muntu andamune.] Tshiena-bualu etshi tshidi tshileja tshidi Bible wamba bua didisungila ne dikeba bua mbulamatadi atusungile.” Leja muntu tshiena-bualu tshidi tshituadija mu dibeji dia 10.

Tshibumba tshia Nsentedi 1/10

“Bantu ba mu matunga onso ne mu bitanda bionso batu basambila. Udi wela meji ne: Nzambi utu bushuwa uteleja masambila ne uandamuna anyi? [Lekela muntu andamune.] Bible udi utuambila bua kusambila. [Bala Filipoi 4:6, 7.] Tshibumba tshia Nsentedi etshi tshidi ne mandamuna adi Bible ufila bua nkonko itu bantu batamba kudiela bua disambila.”

Réveillez-vous! Ngondo wa 10

“Misangu ya bungi tutu tumvua bantu bamba mudibu babenzele bibi kudi muena dibaka nabu, bena malu a tshididi anyi kudi bantu bakuabu. Buebe wewe udi mumone bishi, bidi bienda bikola anu kukola bua kupeta muntu wa kueyemena anyi? [Lekela muntu andamune.] Ba bungi badi bela meji ne: mvese eu udi wenda ukumbana. [Bala 2 Timote 3:1-5.] Tshibejibeji etshi tshidi tshileja muaba utudi mua kupetela lelu bantu ba kueyemena.”