Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/12

“Udiku witaba ne: muledi udi mushale udikoleshila bana nkayende utu utata kupita baledi batshidi bonso babidi anyi? [Lekela muntu andamune.] Bible udi utubela bua kuditeka pa muaba wa bantu badi batata. [Bala Musambu wa 41:1.] Tshiena-bualu tshidi mu dibeji dia 22 tshidi tshileja tshitudi mua kuenza bua kuditeka pa muaba wa baledi badi bashale badikoleshila bana nkayabu.”

Réveillez-vous! Ngondo wa 12

“Bantu ba bungi batu badiebeja ne: ‘Bu Nzambi muikaleku, bua tshinyi ki mmushipe Diabolo?’ Ukadi mudiebejaku pebe nanku anyi? [Lekela muntu andamune.] Tshiena-bualu tshidi mu dibeji dia 10 ne dia 11 tshidi tshifila diandamuna diangatshila mu Bible. Tshidi kabidi tshituambila muikala buloba pikala Diabolo katshiyiku.” Bala Buakabuluibua 21:3, 4.

Tshibumba tshia Nsentedi 1/1

“Bantu ba bungi batu bamba ne: budimi bua Edene kabuvuaku to. Wewe mumvue ne: Yezu wakamba muvua Adama ne Eva bikale bantu balelela, bidi mua kukukemesha anyi? [Lekela muntu andamune. Pashishe bala Matayo 19:4-6.] Tshibejibeji etshi tshidi tshiandamuna imue nkonko itu bantu badiela bua budimi bua Edene.”

Réveillez-vous! Ngondo wa 1

Leja muntu dibeji dia pa mutu ne umuebeje ne: “Udi mua kuandamuna lukonko elu bishi? [Lekela muntu andamune.] Mukanda wa Nzambi udi ulomba bantu bua kuikalabu bena ditalala. [Bala Yakobo 3:17.] Kadi bua tshinyi bitendelelu ki mbikokeshe bua kusangisha bantu mu buobumue? Bitendelelu nebivuijaku ditalala pa buloba anyi? Tshibejibeji etshi tshidi tshifila mandamuna a nkonko eyi.”