Utuku ubala malu adi ku tshibasa anyi?

Bakulu, basadidi ba mudimu ne bantu bakuabu badi ne midimu mu tshisumbu batu ne tshibidilu tshia kutangila ku tablo bua kumanya dîba didibu ne mudimu kampanda. Kadi, malu adibu bafunda ku tshibasa adi ne mushinga bua bena mu tshisumbu bonso. Udiku mumanye dîba dinuasukula Nzubu wa Bukalenge anyi? Mutangidi wa tshijengu anyi biro bia filiale mbituminaku tshisumbu tshienu mukanda udi ne mushinga anyi? Udiku mumanye tshiena-bualu tshia muyuki wa patoke wa lumingu elu bua wewe kubikila mulongi webe wa Bible anyi? Mbakajilulaku programe wa bisangilu anyi wa kasumbu kenu ka buambi anyi? Kabatshiena bamanyisha malu a bungi nunku mu bisangilu bietu to, ne kakuena mushindu wa bakulu kuambilabu mumanyishi ne mumanyishi yonso to. Ke bua tshinyi, tudi ne bua kuikala ne tshibidilu tshia kubala malu adi ku tablo. Tuetu tuenza nanku misangu yonso, malu neenzeke “bimpe mu bulongame.”​—1 Kol. 14:40.