“Ndi mulue kukutangila bualu . . .”

Patu bantu bapatuka mu nzubu yabu ne batumona bimane, batu pamuapa badiebeja ne: mbanganyi aba? Mbalue kuenza tshinyi? Mmêyi kayi atudi mua kutuadija nawu bua kutukija mioyo yabu? Bamue bamanyishi batu banji kuela bantu muoyo bilondeshile mutubu bawelangana muaba udibu, pashishe bamba ne: “bualu” bua kumvuija tshidibu baluile. Tshilejilu, badi mua kuamba ne: “Tudi balue kukutangila bualu malu a tshikisu adi atonda bantu ba bungi. Buebe wewe . . .” anyi ne: “Ndi mulue kukutangila bualu ndi ndonga ne bantu malu a mu Bible tshianana.” Anu pautshidi utuadija kuyukila ne muntu, wewe mumuambile bua tshinyi udi mulue kumutangila, udi mua kuteleja bimpe tshiudi ukeba kumuambila.