Mandamuna a nkonko yenu

▪ Muanetu wa bakaji udi ne bua kubuikila ku mutu padiye ulombola dilonga dia Bible bimanyine kuulu padibu ne muanetu wa balume anyi?

Padi muanetu wa bakaji ulombola dilonga dia Bible dia tshibidilu bikale ne muanetu wa balume, udi ne bua kubuikila ku mutu. (1 Kol. 11:3-10) Tshibumba tshia Nsentedi tshia dia 15/7/2002, dibeji 27, tshidi tshiumvuija dilonga edi tshiamba ne: “Edi ndilongesha dimana kulongolola ditu muntu udi ulongesha muikale ulombola. Mu nsombelu ya mushindu eu, dilonga didi dilua tshitupa tshikuabu tshia tshisumbu. Muanetu wa bakaji Ntemu mutambule yeye muikale ulombola dilonga edi ne Ntemu muntu mulume mutambule muikalepu, muanetu wa bakaji eu udi ne bua kuvuala tshitambala ku mutu.” Nansha yeye ulombola dilonga dia Bible basombele panshi anyi bimanyine kuulu peshi muaba mukuabu.

Kadi pikala dilonga edi kadiyi dianji kushindama anyi upinganyina muntu bua kumuleja mutu dilonga dia Bible dienzeka, kabiena anu bikengela bua muanetu wa bakaji kubuikilaye ku mutu padibu ne muanetu wa balume to. Misangu ya bungi bu mudi dilonga Bible ne bantu bimanyine kuulu dishindama ku kakese ku kakese patudi tubapinganyina misangu ne misangu, bambi ba lumu luimpe badi ne bua kukonkonona bimpe nsombelu idiku ne kuikala ne nkatshinkatshi bua kumanya dîba didibi bikengela kubuikila ku mutu.