Wikale wakidilangana bua kupesha bantu “bintu bimpe” (Mat. 12:35a)

Kakuyi mpata tuetu bonso tutu basue kuikala ne “tshibidilu tshia kuakidila benyi” bua kupeshangana “bintu bimpe.” (Lomo 12:13) Bakulu mbantunga-mulongo mu dilongolola malu bua kuakidila bangamba-malu bakumbudi ne kubafutshila njila. Kadi, tudi mua kuikala tuelakana bua kuakidila bakuabu bualu tudi ne dimona dikese, anyi tudi tumvua buôwa bua kubikila bantu ku nzubu yetu. Kutumikila mubelu uvua Yezu mupeshe Mâta kudi mua kutuambuluisha bua kulekela ngelelu wa meji eu. (Luka 10:39-42) Yezu wakashindika ne: “tshintu tshimpe” tshia kuakidilangana natshi nkusombeshangana ne kukankamijangana kadi ki mbiakudia bipitepite bungi anyi nzubu mulengeja bimpe to. Tuetu tutumikila mubelu eu, netupeshe bana betu “bintu bimpe” bu mudi Dîyi dia Nzambi ditulomba.​—3 Yone 5-8.