Programe wa lumingu lua dia 26/1

Musambu 99 ne disambila

Dilonga dia Bible dia Tshisumbu:

cl nshap. 19 §9-17 (Min. 30)

Kalasa ka Mudimu wa Nzambi:

Dibala dia Bible: Balumbuluishi 5-7 (Min. 8)

No. 1: Balumbuluishi 7:12-25 (Min. 3 anyi mikese)

No. 2: Amenona: Lukuka lua masandi ludi lufikisha ku kabutu​—it-1-F dib. 101 (Min. 5)

No. 3: Mishindu itudi mua kumanya Yehowa​—igw dib. 5 §1-4 (Min. 5)

Tshisangilu tshia Mudimu:

Tshiena-bualu tshia ngondo eu: ‘Kuatshila Mukalenge mudimu bu mupika ne bupuekele buonso.’​—Bien. 20:19.

Musambu 88

Min. 10: Mikanda ya kufila mu ngondo wa 1 ne 2. Diyukidilangana ne bateleji. Ulombe bateleji bua kuamba malu mimpe avuabu bapete pavuabu bafile broshire wa Lumu luimpe. Wenzeje dinaya dîpi dia mua kufila broshire eu. Pashishe nuyikile bua malu adi mu tshiena-bualu tshia “Bua tshinyi kuya diakamue?”

Min. 10: Bakulu badi benzela Mukalenge mudimu bu bapika: Mulombodi wa Dilonga dia Tshibumba tshia Nsentedi. Wele mulombodi wa Dilonga dia Tshibumba tshia Nsentedi nkonko idi ilonda eyi: Bua kukumbaja mudimu webe bimpe bidi bikulomba tshinyi? Mmushindu kayi uutu ulongolola Dilonga dia Tshibumba tshia Nsentedi? Bua tshinyi kakutu mushindu wa wewe kusungula muntu yonso udi wela munu kuulu bua kuandamunaye? Mmushindu kayi udi mubadi wa bikoso ne aba badi bandamuna ne bana betu badi bendesha mikro mua kuambuluisha bua Dilonga dia Tshibumba tshia Nsentedi dikale dimpe ne diambuluisha bantu? Mmushindu kayi uvua Kalasa ka Mudimu wa Bukalenge kadi kenzeke matuku mashale aa kakuambuluishe bua kuenza mudimu webe bimpe?

Min. 10: “Uyishe ne site wa jw.org: ‘Ulue mulunda wa Yehowa.’” Diyukidilangana ne bateleji. Wakule bua amue malu adi mu tshitupa etshi, pashishe welele bateleji ka filme kamue. Ulombe bateleji bua bambe mishindu idibu mua kuyisha ne tshiena-bualu tshia ‘Ulue mulunda wa Yehowa’ (Deviens l’ami de Jéhovah) padibu bayisha ku nzubu ne ku nzubu, miaba idi bantu ba bungi, anyi padi mpunga umueneka.

Musambu 135 ne disambila