Umanyishe bulelela budi butangila Yezu ne tshisumi

Patudi tumanya mua kuyisha bakuabu bulelela budi butangila Yezu, tshisumi tshietu tshidi tshivula. Yezu ndibue dia mu ditumba dia tshishimikidi didibu bibakile ditabuja dilelela. (Ef. 2:20) Kabuyi buende, katuvua mua kutekemena muoyo. (Bien. 4:12) Nunku, bidi ne mushinga wa bungi bua bantu bonso bamanye muaba udi nawu Yezu mu malu adi Nzambi mulongolole. Mbapambuishe bantu ba bungi ne malongesha a dishima. Diakabi, pamuapa kabakupeta masanka adi Nzambi mulaye aba badi baleja ditabuja mu Yezu to. Tshisumi tshietu bua bulelela netshitusake bua kuambuluisha bantu ba muoyo muakane bua kumvuabu bimpe malu adi atangila Yezu, malanda ende ne Nzambi, ne mudimu udiye nawu mu malu adi Nzambi mulongolole. Mu tshikondo tshia Tshivulukilu etshi, neumanyishaku bulelela budi butangila Yezu ne tshisumi tshionso anyi?