Mushindu mupiamupia wa kutuadija kuyukila ne bantu

Kutuadijila mu ngondo wa 1 wa 2016, panyima pa Tshibumba tshia Nsentedi tshia bantu bonso patu tshiena-bualu tshia ne: “Ntshinyi tshidi Bible wamba?” Tshiena-bualu tshipiatshipia etshi ntshienza bua kutuambuluisha bua kutuadija kuyukila ne bantu pa biena-bualu bia mu Bible. Mushindu udibu benze tshiena-bualu etshi mmufuanangane ne wa biena-bualu bidi pa trakte yetu. Kudi lukonko ludi lusaka muntu bua aleje wende mmuenenu, mvese udi uluandamuna ne malu makuabu a kuyukidilangana.

Kuyukidilangana bimpe ne bantu pa biena-bualu bia mu Bible kutu misangu ya bungi kutufikisha ku dilonga nabu Bible. Enza mudimu ne mushindu mupiamupia eu bua kuambuluisha bantu ba bungi bua kujikija nzala yabu ya mu nyuma.​—Mat 5:6.

TSHIA KUENZA:

1. Lomba muntu bua asungule diende diandamuna ku adibu bafile

2. Umuteleje ne umuele tuasakidila bua diandamuna diende

3. Bala mvese udi muinshi mua tshiena-bualu tshia ne: “Tshidi Bible wamba,” pashishe umulombe bua ambe tshidiye umvua mu mvese au. Yeye ne dîba, nukonkonone bualu bumue mu kamutu ka bualu ka ne: “Mmalu kayi makuabu atudi mua kulonga mu Bible?”

4. Fila tshibejibeji

5. Numvuangane nende bua kulua kuandamuna lukonko luibidi