Mose ne Alona bavua ne dikima dia bungi

10:3-6, 24-26, 28; 11:4-8

Mose ne Alona bakaleja muvuabu ne dikima dia bungi pavuabu bakula ne Palô mukalenge uvua ne bukole bua bungi tshikondo atshi. Tshivua tshibambuluishe ntshinyi? Bible udi wamba bua Mose ne: “Bua ditabuja, wakumbuka mu Ejipitu, kayi utshina tshiji tshia mukalenge, bualu wakatungunuka mushindame bu uvua umona Yeye udi kayi umueneka.” (Eb 11:27) Mose ne Alona bavua ne ditabuja dikole kudi Yehowa, ne bavua bamueyemene.

Nnsombelu kayi idi mua kukulomba dikima bua kuyisha bamfumu ba muaba uudi musombele?

Foto milamakaja ileja nsombelu idi itulomba dikima. 1. Muana mulongi muimane mupuwe padi bakuabu bimba musambu wa ditunga mu kalasa. 2. Muanetu wa balume muimane kumpala kua bena ku tubadi. 3. Nsonga muena Kristo upesha muntu trakte mu buambi, mpulushi mutangile pabuipi apu.