TUIKALAYI NE NSOMBELU WA BUENA KRISTO
Tshidi bifukibua bitulongesha bua dikima
Umue mushindu udi Yehowa utulongesha bua kuleja ngikadilu ya buena yende, nku diambuluisha dia bilejilu bia balume ne bakaji badibu batele mu Bible. Kadi mukuabu mushindu mbintu bidiye mufuke. (Yob 12:7, 8) Ntshinyi tshidi nyama eyi mua kutulongesha bua dikima: ntambue, kabalu, kanyama ka nkala, kanyunyi ka kasonji, ne nzevu (kapumbu)?
NUTANGILE FILME WA PETELA DIKIMA KUDI BIFUKIBUA, PASHISHE NUANDAMUNE NKONKO EYI:
Ntambue mikaji itu ileja dikima mushindu kayi patuyi ukuba bana bayi?
Mmushindu kayi utubu balongesha tubalu bua kuikalatu ne dikima mu mvita?
Bua tshinyi kanyama ka nkala kakatu katshina nyoka ya lulengu?
Mmushindu kayi utu tunyunyi tua tusonji tuleja dikima nansha muditu tukese?
Mmushindu kayi utu nzevu iluangena nzevu mikuabu ya mu tshisumbu tshiayi ne dikima?
Nyama yonso eyi mmikulongeshe tshinyi bua dikima?