TUIKALAYI NE NSOMBELU WA BUENA KRISTO
Badi benza mudimu mukole bua kutuambuluisha
Batangidi ba bijengu ne bakaji babu badi baleja mudibu banange badibu benzela mudimu, badipangisha amue malu bua bualu buabu. Batu pabu ne majinga anu bu etu bonso ne imue misangu badiumvua batshioke, batekete mu mikolo anyi bikale ne malu adi abasumpakaja. (Yak 5:17) Nansha nanku, lumingu luonso batu bela meji a mudibu mua kukankamija bena Kristo nabu ba mu tshisumbu tshidibu bakumbula. Batangidi ba bijengu badi bushuwa “bakumbane bua kupeshibua bunême misangu ibidi.”—1Tm 5:17.
Pavua mupostolo Paulo mulongolole bua kuya kukumbula bena mu tshisumbu tshia ku Lomo bua ‘kubapesha kupa kampanda kua nyuma,’ uvua mutekemene ne muoyo mujima bua bobu “kukankamijangana” nabu. (Lom 1:11, 12) Ukadiku muele meji a muudi mua kukankamija mutangidi wenu wa tshijengu ne mukajende bikalaye ukadi musele anyi?
NUTANGILE FILME WA MUDI NSOMBELU WA MUTANGIDI WA TSHIJENGU KU MUSOKO, PASHISHE NUANDAMUNE NKONKO EYI:
Mmushindu kayi utu batangidi ba bijengu ne bakaji babu baleja mudibu banange bena mu tshisumbu badipangisha amue malu bua bualu buabu?
Mmunyi mukadi bionso bitubu badienzeja bua kuenza abi bikuambuluishe wewe?
Mmunyi mutudi mua kubakankamija?