Mayele a mua kudilongela

Longa mua kukuata “misambu” yetu ku muoyo

“Matuku antu ndiumvua mutshioke, Yehowa utu unkankamija ku diambuluisha dia misambu ya ku TV wa JW.”—Lorraine, wa mu États-Unis.

“Misambu ya kutumbisha nayi Nzambi,” ntshitupa tshia ntendelelu wetu. (Kolos. 3:16) Wewe mukuate misambu eyi ku muoyo, neyikuambuluishe dîba diudi kuyi ne mukanda wa misambu anyi kuyi ne telefone wa kuyimbila to. Tumikila mibelu idi ilonda eyi bua kukuata misambu yetu ku muoyo:

• Bala mêyi a misambu bimpe bua kumanya tshidiwu umvuija. Wewe mumanye tshidi mêyi a misambu umvuija, nebikale bipepele bua kuavuluka. Mêyi a misambu yetu yonso, ne a imue ya pa buayi akadiku mu jw.org, too ne ya bana mu Mfualansa. Buela mu tshitupa tshia Tshitekelu tshia mikanda, pashishe mu Misambu.

• Funda mêyi a musambu mu dibeji. Wewe muafunde, nebikuambuluishe bua kuikala kuavuluka bipepele.—Dut. 17:18.

• Imba ne dîyi dikole. Bala anyi imba misangu ya bungi.

• Teta kumona ni udi muakuate. Dienzeja bua kuikala kuvuluka mêyi au kuyi utangila mu dibeji diuvua muafundile to; pashishe utangile mu dibeji bua umone ni udi muambe bimpe.