Bualu budi buenzeke

Kumvuila bantu bonso luse

Dituku dikuabu, muanetu wa bakaji wa mu Nouvelle-Zélande wakamona filme wa “Soucions-nous les uns des autres,” udi uleja mudi Yehowa utumvuila luse ne utufuilalu. (Yesh. 63:​7-9) Yeye kuangata dipangadika dia kutumikila tshivuaye mulonge mu filme au bua kuambuluisha bantu bakuabu. Pakavuaye ufuma ku disumba dia bintu anu dituku adi, wakamona mamu mukuabu uvua kayi ne muaba wa kusombela, muanetu au kumulomba bua kumusumbila tshiakudia, yeye kuitaba. Kadi pakavua muanetu au mupingane ne tshiakudia bua kumupesha, wakayisha mamu au ne trakte wa Makenga kaakujika anyi?

Mamu wakatuadija kudila upuekesha binsoji. Kuambilaye muanetu au ne: mmulekele bulelela kukadi bidimu bia bungi. Kadi matuku ndambu kumpala kua yeye kumonangana ne muanetu au, uvua anu usambila, ulomba Yehowa diambuluishe bua apingane kudiye. Muanetu wa bakaji au wakamupesha Bible, kupetanganaye nende bua atuadije kumulongesha.a

Tudi mua kuidikija petu Yehowa tuetu tumvuila bakuabu luse ne tubafuilalu, nansha balela betu anyi bena Kristo netu mu tshisumbu. Tudi tumvuila bakuabu luse patudi tukeba mpunga ya kubayisha.