Mbangilu
Udiku musue kusomba pa buloba padi kapayi mvita anyi? Bantu ba bungi badi bamba ne: ebu mbualu budi kabuyi mua kuenzeka to. Bible udi uleja tshidi tshienza bua bantu bapangile bua kujikija mvita. Udi utujadikila kabidi ne: kudi mushindu wa bantu kupeta ditalala pa buloba bujima ne bakadi pa kudipeta.
Mu Tshibumba tshia Nsentedi etshi, muaku “mvita” udi uleja diluishangana pankatshi pa matunga abidi anyi bisumbu bibidi bia bantu biambuilangane bingoma, baluangana bua malu a tshididi. Tudi bashintulule mêna a bamue bantu bena mêyi atudi batelamu.