Bua tshinyi mvita idi anuku?

MPEKATU

Nzambi uvua mufuke baledi betu ba kumpala, Adama ne Eva, mu tshimfuanyi tshiende. (Genese 1:27) Mbuena kuamba ne: uvua mubafuke ne mushindu wa kuleja ngikadilu yende. Mu yoyi ayi mudi ditalala ne dinanga. (1 Kolinto 14:33; 1 Yone 4:8) Kadi Adama ne Eva bakabenga kutumikila Nzambi, kuenzabu mpekatu. Ke bualu kayi tuetu bonso tudi bapiane mpekatu ne lufu. (Lomo 5:12) Mpekatu au ke utu utupetesha meji atu atufikisha ku dienza malu mabi.​—Genese 6:5; Mâko 7:21, 22.

MBULAMATADI YA BANTU

Nzambi kavua mutufuke bua tuikale tudilombola to. Bible udi wamba ne: “Muntu udi wenda eu kena ne bukokeshi bua kuludika nansha dikasa diende to.” (Yelemiya 10:23) Ke bualu kayi mbulamatadi ya bantu kayena mua kujikija mvita to.

SATANA NE BADEMON BENDE

Bible udi wamba ne: “Ba pa buloba bonso badi ku bukokeshi bua mubi.” (1 Yone 5:19) “Mubi” au ke Satana Diabolo, mushipianganyi. (Yone 8:44) Yeye ne bademon bende ke batu bakebesha mvita ne malu a tshikisu.​—Buakabuluibua 12:9, 12.